zur Navigation springen
So spricht Schleswig-Holstein

17. August 2017 | 10:21 Uhr

100 Sekunden Platt : Wat is een Johr?

vom

So fragt der plattdeutsche Dichter Fritz Lau in einem Gedicht. Marianne Ehlers stellt den Glückstädter vor.

Wo blifft egentlich de Tiet af? Dat fraagt wi uns so männichmal. Man dat is nix Nieges, dor hebbt sik al fröher de Lüüd en Kopp över maakt. De plattdüütsche Schrieversmann Fritz Lau snackt uns ut de Seel mit sien Gedicht:
Wat is een Johr, wat is een Dag,
Wat is een Stünn, wat is een Nacht,
Wat is mien Leven, wat is dien:
en korten Stremel Sünnenschien,
en korten Stremel Ebb un Floot,
en korten Stremel Glück un Noot.
De Tiet de löppt un wi loopt mit,
de Tiet de röppt, hool Tritt, hool Tritt.
Uns Tiet is groot, groot is uns Dank,
dat wi dor noch sünd merrenmang.

Wokeen vun uns kennt vundaag noch Fritz Lau, boren 1872 in Möltenort bi Kiel, lange Johren leev he in Glückstadt un storv 1966 in Sleswig. Schreven hett he in sien Moderspraak Plattdüütsch - un wull dormit Klaus Groth achterna. Man so bekannt as düsse is he lang nich worrn. All Böker ut sien Fedder sünd nich mehr to kriegen - un wat he schreven hett, is för uns vundaag de Alldag vun Groot- un Urgrootöllern.
Liekers: so en Gedicht passt ok noch vundaag, jüst an den Anfang vun den Januar, wenn wi noch so en beten drömelig sünd un uns Gedanken över dat Leven an sik maken doot.
Un nich verkehrt is ok, wat Fritz Lau för sik sülven riemelt hett, as he 90 Johr oolt worr: Nu geiht dat op de 90 dal, so ... oder so ... mi is t egaal - dat Leven is as Ebb un Floot, mal hangt de Fliep, mal stiggt de Moot, mal billst di in, geiht allens verkehrt, mal hest den Kater weer bin Steert. Smeer man dien Koor mit veel Humor, denn bringt keen Düvel di utt Spoor - un nehm dat Leven nich so nau, maak dat man ok so as Fritz Lau.
Dor kann nix anners to seggen Marianne Ehlers vun den Sleswig-Holsteenschen Heimatbund

zur Startseite

von
erstellt am 22.Jan.2013 | 12:41 Uhr

Gefällt Ihnen dieser Beitrag? Dann teilen Sie ihn bitte in den sozialen Medien - und folgen uns auch auf Twitter und Facebook:

Diskutieren Sie mit.

Leserkommentare anzeigen