zur Navigation springen
So spricht Schleswig-Holstein

17. Dezember 2017 | 15:41 Uhr

100 Sekunden Platt : Wackenmusik

vom

In Wacken sind die Bässe los. Marianne Ehlers mischt da aber nicht mit - sie hat sie von Weitem gehört.

shz.de von
erstellt am 06.Aug.2012 | 06:34 Uhr

En Dörp is in sien Utnahm-Tostand - as jedes Johr Anfang August. Dor is düchtig wat los op de Wischen vun Wacken. Dat grote Heavy Metal-Festival "Wacken Open Air" treckt vele dusend Lüüd nich blots ut Düütschland an. Ut Spanien un Frankriek, ut Sweden un Polen - vun överall her kaamt de Swatten. Nee, en düster Huut hebbt se nich, man de Kleedaag is meist bi all pickswatt.
Op de T-Shirts steiht achtern "Wacken Open Air" op - un afbillt is de Bull mit de Höörns. Dat höört eenfach dorto. Un dorto höört ok, dat de Lüüd al goot dorför sünd. All freut sik op en poor Daag vullpackt mit düsse besünner Musik.
De is luut, mehr will ik gornich dorto seggen. De Bands hebbt ehren Naam in de Szeen, kaamt geern, jüst so as de Besökers.

Los geiht dat Festival mit en Kunzert vun de "Fire Fighters" - dorachter verstickt sik nix anners as de Füerwehrkapell vun Wacken. Dat is Kult!
In de Ladens hebbt de Verköpers dat Hunnen- un Kattenfoder för en poor Daag wegrüümt un Beer un anner wichtige Överlevensmittel henstellt. De Straten sünd vull vun junge un ok öllere Lüüd, op de Wischen is en grote Teltstadt för all de Besökers opbuut. Un allens löppt af ahn grote Hauerie un so. Wenn dat nix is - allens bestens organiseert.
En poor Daag lang is Wacken int Fever, de Inwahners maakt mit, verkööpt Marmelaad un Klopapeer an de Stratenkant - oder se neiht ut solang. Man allens is goot - Wackenmusik mutt ween, jedes Johr Anfang August!
"Heavy Metal"-Gröten vun Marianne Ehlers vun den Sleswig-Holsteenschen Heimatbund.

zur Startseite

Gefällt Ihnen dieser Beitrag? Dann teilen Sie ihn bitte in den sozialen Medien - und folgen uns auch auf Twitter und Facebook:

Diskutieren Sie mit.

Leserkommentare anzeigen