zur Navigation springen
So spricht Schleswig-Holstein

23. Oktober 2017 | 20:04 Uhr

100 Sekunden Platt : Vun Worms un Vagels

vom

Marianne Ehlers spricht den "Schnack der Woche". Diesmal geht es um einen Spaziergang im Watt: "Loop du mal vun Dagebüll na de Hallig Langeneß - dor kannst wat beleven."

shz.de von
erstellt am 26.Aug.2011 | 02:44 Uhr

Loop du mal vun Dagebüll na de Hallig Langeneß – dor kannst wat beleven.
De Sünn brennt vun’n Heven, op den Kopp heff ik mien Mütz mit "Moin" baven an de Kant un op den Schirm – so kann doch jedereen sehn, ik bün in Sleswig-Holsteen.
De Wattföhrer verkloort un vertellt, he weet Bescheed över den groten Natschoonalpark Wattenmeer un all de Planten un Deerten.
Dor is nu eenmal de Wattworm, de hett nich blots söven Leven as en Katt, - nee, mehr as dörtig Mal kann en Vagel em en Stück vun den Steert afpicken, un he leevt ümmer noch! Dat hett de Natur doch mal slau inricht. Un he fritt den Sand un smitt em achtern wedder rut – un dat sünd denn de lütten Hupens in’n Slick, vun de Kinner meent, de seht ut as Spaghetti-Ies - blots in gries.

Un all de lütten swarten Snicken, knapp to sehn, denn de Dwarslöpers in groot un lütt – de Hart-Mussels un all de annern, is dat Enn vun weg. Nich lieden mag de Wattföhrer all de groten Pazifik-Öösters, de höört hier nich hen, meent he. Un bannig snieden kann een sik ok an de scharpen Kanten.
Op de Hallig leevt de Schooster, so heet de Öösternfischer an de Küst – un denn all de verscheden Möven. De Sülvermööv geiht düchtig torüch, mag ween, wiel se nich so goot flegen kann. Dorför warrt anner Möven mehr. Is en Op un Af in de besünner Natur an de Noordseeküst vun Sleswig-Holsteen.
Loop mal mit – un vergeet dien Mütz nich, de mit dat "Moin" baven an de Kant!
Wind- un Watergröten vun
Marianne Ehlers
vun den Sleswig-Holsteenschen Heimatbund

zur Startseite

Gefällt Ihnen dieser Beitrag? Dann teilen Sie ihn bitte in den sozialen Medien - und folgen uns auch auf Twitter und Facebook:

Diskutieren Sie mit.

Leserkommentare anzeigen