zur Navigation springen

100 Sekunden Platt : Vun Poppen un Steerns

vom

Die schönen plattdeutschen Weihnachtsgedichte führen uns zurück in unsere Kinderzeit, Marianne Ehlers findet Puppen, Sterne und vieles mehr.

shz.de von
erstellt am 14.Dez.2012 | 10:35 Uhr

Un wieder geiht dat dörch uns plattdüütschen Wiehnachtsböker, dor gifft dat soveel ton Finnen un Wedderfinnen! So as den
Hampelmann
Wiehnachtsmann, ik roop di an: bring mi mal en Hampelmann mit bunte Arms, mit bunte Beens. Un treck ik an dat Tüdelband, denn geiht he op, denn geiht he dal.
Oh, Wiehnachtsmann, den bring mi mal.
Gifft dat noch Kinner, de mit Poppen speelt? Hier hebbt wi en besünner:
De plattdüütsch Popp
Ik bün man noch son lüttje Deern, un plattdüütsch snack ik gor to geern. Un mit mien Poppen speel ik geern.
Ik bün doch noch en lüttje Deern.
Nu fraag ik di, leev Wiehnachtsmann,
hest nich en Popp, de plattdüütsch kann?
Den Naam vun St. Nikolaus köönt wi in vele plattdüütschen Gedichten fein wedderfinnen:
Sünnerklaas
Leve gode Sünnerklaas,
büst över all de Kinner Baas,
riddst op dienen Schimmel
vun den hogen Himmel.
Unsen Pollo binnt wi an,
dat he di nich bieten kann.
Hillige Mann, gah nich vörbi,
Sünerklaas, wi bidden di!
So snackt de Kinner - un bit vundaag hen faszineert ehr dat Heemliche in de Vörwiehnachtstiet:
De sülvern Steern
Vör de Döör, kiek doch mal hier, leeg en Steern ut blanke Sülverpapier.
He leeg op de Trepp, weer meist verswunnen,
ik heff em hüüt Morgen eerst funnen.
Wer hett em verlorn, de Wiehnachtsmann?
Wat meenst woll, ob dat angahn kann?
Dat hett so ruschelt vunnacht int Huus,
oder weer dat villicht de Wiehnachtsmuus?
Gröten ton tweeten Advent vun Marianne Ehlers vun den Sleswig-Holsteenschen Heimatbund.

zur Startseite

Gefällt Ihnen dieser Beitrag? Dann teilen Sie ihn bitte in den sozialen Medien - und folgen uns auch auf Twitter und Facebook:

Diskutieren Sie mit.

Leserkommentare anzeigen