zur Navigation springen
So spricht Schleswig-Holstein

17. Dezember 2017 | 02:12 Uhr

100 Sekunden Platt : Vun Hasen un Eier

vom

Das Osterfest läuft nicht ohne den dazuheörigen Hasen - und Marianne Ehlers findet ihn auch in plattdeutschen Gedichten. 100 Sekunden Platt.

shz.de von
erstellt am 05.Apr.2012 | 05:38 Uhr

Dat hett Kinner al immer intresseert: wokeen bringt denn nu de bunten Eier? Dat kriegt wi gau klook, wenn wi uns mal de olen Oostergedichten ankiekt. Dat gifft blots een Anter op düsse Fraag: de düchtigen Oosterhasen, dat is doch kloor! So riemelt Lisa Klein in ehr Gedicht "Oosterspaaß":
Op de Koppel in de Sünn
hoppelt Meister Lampe rüm,
un op eenmal is op flinke Been
noch en tweeten Haas to sehn.
Nu geiht los en wildes Speel
keener kriggt dorvun to veel,
denn ganz verdüvelt, as en Blitz,
is ener achter ’n annern flitzt.

Hebbt ji denn nix anners vör?
Oostern steiht doch vör de Dör!
Oder geiht de ganze Spaß
letztenendes ohne Haas?

Hans Heitmann dicht vun den "Oosterhaas":
Hest em lopen sehn?
Günt achter de Schleen,
dor hoppel un hüpp he dör ’t Kruut!
Speel mit de Ohr’n
achter’n Rosendoorn
un lüch dat Gatt un trock mit de Snuut.

De Hahn un de Hehn,
de hebbt em sehn.
Höör, wat se krakelt un kreiht!
"Hett ni Fedder noch Flunk –
wat tiert so’n Halunk
sik mit Eierleggen, as ’n Vagel deit?

Is dat ’n Maneer?
Wat hannelt he hier
mit Eier, wo wi Höhner dat schüllt?"
- Aver he – he kickt
achter den Tuun rut un drückt
un lett ehr zaustern, so lang se wüllt …

Nu kumm man un söök.
Magst ehr hart oder week?
Gifft blaue un rode, ok geel un gröön.
Söök du man bi den Knick,
mang de Schleen, dor söök ik –
Sünd all lieker groot – un sööt un so schöön!

Gröten to’n Eiersöken un vergnöögte Oostern vun
Marianne Ehlers vun den Sleswig-Holsteenschen Heimatbund

zur Startseite

Gefällt Ihnen dieser Beitrag? Dann teilen Sie ihn bitte in den sozialen Medien - und folgen uns auch auf Twitter und Facebook:

Diskutieren Sie mit.

Leserkommentare anzeigen