zur Navigation springen
So spricht Schleswig-Holstein

22. Oktober 2017 | 23:57 Uhr

100 Sekunden Platt : Urlaub in Bioland

vom

Urlaub auf einem Bio-Bauernhof - wie das geht, erzählt Marianne Ehlers. Dazu macht sie einen Besuch bei den Nachbarn in Mecklenburg.

shz.de von
erstellt am 05.Jul.2013 | 03:24 Uhr

Ja, sowat gifft dat! En Bioland-Bedriev merrn int Mekelnbörger Land - egentlich is dat en olen Gootshoff, de na de Wenn wedder inn Gang bröcht worrn is.
Un en schöne Geschicht gifft dat dorto:
In de letzten Daag vun den tweten Krieg kemen de Russen int Dörp un weren kort vör den Gootshoff. Do nehm de junge Gootsherrin ehren lütten Jung op den Arm un güng na de Achterdöör rut. Mit dat Baby keem se denn na Hamborg un bleev dor, de ganze lange DDR-Tiet hendörch.
Glieks na de Wenn keem de ole Gootshoff wedder torüch an de Familie. De lütt Jung vun domals föhr hen, sien ole Mudder mit. Un denn güngen de beiden to jüst desülvige Achterdöör wedder rin in dat Huus. De Söhn harr sien Mudder fast ann Arm tofaten.

So hett sik de Krink slaten, de Levenskrink vun Minschen, de dör de düütsche Geschicht bestimmt worrn is.
Un vundaag? Nu is de ole Gootshoff en Bio-Hotel mit en Landbedriev dorbi. Wunnerschöön is dat hier, dat grote ole Huus steiht nu nich mehr alleen, is en Barg rundüm boot worrn. De Stuven sünd inricht na Feng-Shui, dor mutt een sik eenfach goot föhlen.
Een kann lecker vegetaarsch eten, dat Buffett morgens, meddags un avends is nich blots fein antokieken, allens smeckt allerbest. Water gifft dat ton Drinken, dat is över Eddelsteen as Rosenquarz un Bargkristall lopen - in de Sauna kann een gahn, un en Natur-Diek laadt ton Baden in. Een kann sik masseren laten oder Yoga maken. För Liev un Seel warrt op dat Allerbest sorgt. Un noch wat: de Lüüd ut de Region hebbt hier Arbeit funnen, dat is doch en schöne Saak.
So hett de ole Gootshoff nu mit niege Kunzepten de ole Geschicht wiederschreven - bi uns Navers in Mekelnbörg.
Bio-Gröten vun Marianne Ehlers vun den Sleswig-Holsteenschen Heimatbund.

zur Startseite

Gefällt Ihnen dieser Beitrag? Dann teilen Sie ihn bitte in den sozialen Medien - und folgen uns auch auf Twitter und Facebook:

Diskutieren Sie mit.

Leserkommentare anzeigen