zur Navigation springen
So spricht Schleswig-Holstein

23. Oktober 2017 | 05:29 Uhr

100 Sekunden Platt : Twüschen de Johren

vom

Ob mit oder ohne Schnee: Wir wollen gut ins neue Jahr kommen. Das wünscht uns allen Marianne Ehlers.

shz.de von
erstellt am 28.Dez.2012 | 04:19 Uhr

Gifft ok Lüüd, de seggt: twüschen de Daag. Ja, wi staht en beten an de Kant vun een Johr na dat anner. Afstörten wöllt wi nich, wi wöllt fein un geruhig röverkamen in dat Johr 2013. Mit Frünnen wat eten un nich an de Kalorien denken, blots nich ... un denn töven op Middernacht un mit Knallköm anstöten op en gode niege Johr.
So stellt wi uns den letzten Dag int ole Johr vör - un in uns Kinnerfantasie höört in düsse Tiet ok en beten Winter, en beten Snee. Mal sehn, wat de Weddergott dorto seggt.

Man en Gedicht dorto hebbt wi ja licht op de Pann:
De Snee
De Snee utn Heven
kummt even, alleven
in Grimmelgewimmel
hendaal ut den Himmel,
hendal ut de Wulken
as Duven, as Swulken,
as Feddern, as Dunn
op de Hüüs, opn Tuun,
as Dunn un as Feddern:
Fru Meddern! Fru Meddern!
Herinner! Kruup ünner
un roop all de Kinner!
De Höhner, de Küken!
Schüllt kamen, schüllt kieken!
Schüllt kieken un sehn,
de groten, de klen,
alleven, alleven
den Snee ut den Heven.
Ach, Klaus Groth, de ole Plattdüütsche, dat hett he aver mal fein seggt. Un nu, ob mit, ob ahn Snee, wünsch ik en godes Rinkamen in 2013 un dank för Tohören un Lesen vun de 100 Sekunnen op Platt in 2012!
Gröten twüschen de Daag vun Marianne Ehlers vun den Sleswig-Holsteenschen Heimatbund.

zur Startseite

Gefällt Ihnen dieser Beitrag? Dann teilen Sie ihn bitte in den sozialen Medien - und folgen uns auch auf Twitter und Facebook:

Diskutieren Sie mit.

Leserkommentare anzeigen