zur Navigation springen

100 Sekunden Platt : Theaterweek in Molfsee

vom

Eine Woche lang plattdeutsches Theater satt - Marianne Ehlers freut sich auf viele Stücke von verschiedenen Bühnen im Lande.

shz.de von
erstellt am 17.Aug.2012 | 10:43 Uhr

Dat hett al en lange Traditschoon - jedes Johr inn August gifft dat Theater satt op Platt. Nich op en grote Bühn, nee, in de Winkelschüün int Frielichtmuseum Molfsee. Vunn 18. August bit ton 26. August kannst jeden Avend Klock 8 Theater kieken, immer en anner Bühn un immer en anner Stück. Organiseert warrt düsse grote Veranstalten vun den Nedderdüütschen Bühnenbund Sleswig-Holsteen.
Ik freu mi al op de Stücken, man schall ik nu eenmal hengahn oder tweemal? Ik kiek mi dat Programm an un kann mi partout nich entscheden.

Los geiht dat hüüt Avend ann Sünnavend mit de Nedderdüütsche Bühn Niemünster mit en Stück vun Karl-Heinz Groth "Endstatschoon". Dor geiht dat üm en Postroov - aha, en Krimi, dor mutt ik ja hen. Man "Hein Butendörp sien Bestmann" mit de Itzehoer Speeldeel worr mi ok gefallen, dor kenn ik de Schauspelers. Dat kümmt morgen. Un "Twee as Bonnie un Clyde" mit de Nedderdüütsche Bühn ut Süsel höört sik ok so fein kriminell an. Denn is de Maandagavend ok al verplaant. Un Diensdag? Denn kümmt "Anna, dat Goldstück", en Klassiker vun Kumedie. Wieder geiht dat mit "De Wunnerdokter" un "Bottervagels sünd free" - höört sik so fein an!
För "Geföhl un Wellenslag" heff ik ok wat över, "En gode Partie" kann ok nich verkehrt ween - un "Kattenspöök" is seker so richtig schöön grulig ...
Oha, ik glööv, in de tokamen Week kann ik nich to Arbeit, ik mutt jeden Avend int Theater! Glieks will ik mal bi Rainer Seidel anropen - Telefon 04622-1038 - bi em gifft dat Korten!
Gröten ut de Winkelschüün vun Marianne Ehlers vun den Sleswig-Holsteenschen Heimatbund.

zur Startseite

Gefällt Ihnen dieser Beitrag? Dann teilen Sie ihn bitte in den sozialen Medien - und folgen uns auch auf Twitter und Facebook:

Diskutieren Sie mit.

Leserkommentare anzeigen