zur Navigation springen
So spricht Schleswig-Holstein

24. September 2017 | 09:02 Uhr

100 Sekunden Platt : Sünnerklaas

vom

Wenn der Himmel rot ist, backen die Engel - Marianne Ehlers hat alte Weihnachtsgedichte gefunden.

shz.de von
erstellt am 02.Dez.2011 | 07:13 Uhr

Kiek mal, wat is de Heven so root!
Dat sünd de Engels, de backt dat Broot,
den Wiehnachtsmann sien Stuten
för all de lütten Leckersnuten.

Nu flink den Teller ünner’t Bett
un legg di hen un wees recht nett!
De Sünnerklaas steiht vör de Döör,
de Wiehnachtsmann, de schickt em her.
Un wat de Engels backt hebbt, dat schöllt jem pober’n,
un smeckt ju dat goot, so höört se dat geern.
Un de Wiehnachtsmann smunzelt: "Nu back man mehr!"
Ach, wenn doch blots eerst Wiehnachten weer!

Mit düt schöne ole Gedicht vun Johann Beyer sünd wi doch all groot worrn. In mien Kinnertiet hett dat dorto höört, een vun uns Kinner müss dat an’n Wiehnachtenavend ünner’n Dannenboom opseggen – un bit vundaag hen föhlt sik dat na Wiehnachten an, wenn ik düsse Poesie vun de Engels hören do. Un dat rüükt dorna, ok wenn mien Backaven jüst nich in de Gang is. Seker geiht uns Lesers un Hörers dat jüst so.
De plattdüütsche Schrieversmann Emil Hecker hett dat Thema opgrepen, blots bi em höört sik dat en beten nadenkern an. Is ok al wat öller, dat Gedicht, man passen deit dat bit vundaag hen.
Broot för de Welt
Günt över’t Feld is
de Heven so root,
dor backt de Engels
to Wiehnachten Broot.

Stuten un Koken
mit Mandeln un Nööt,
Zucker, Rosinen,
so leevlich un sööt.

Stuten un Koken
för Lüüd mit veel Geld!
Wann backt de Engels
mal Broot för de Welt?

Denn harrn wi Freden
un Freud op uns‘ Eer!
Broot för de Welt, wenn’t
man sowiet eerst weer!

Gröten ut de Engels-Backstuuv to’n 2. Advent vun
Marianne Ehlers vun den Sleswig-Holsteenschen Heimatbund

zur Startseite

Gefällt Ihnen dieser Beitrag? Dann teilen Sie ihn bitte in den sozialen Medien - und folgen uns auch auf Twitter und Facebook:

Diskutieren Sie mit.

Leserkommentare anzeigen