zur Navigation springen

So spricht Schleswig-Holstein : Septemberglück

vom

Wie schön sind doch die späten Sommertage im Garten? Das sollte man genießen, meint Marianne Ehlers.

De Sünn warmt noch, wat  en Glück!  Buten in’n Goorn steiht noch dat Möbelmang – un dat gifft noch de een oder anner Stünn to’n Sitten un Kaffeedrinken op de Terrass oder ünner den olen groten Appelboom.

De Appeln mööt weg, dat heet se mööt verarbeidt warrn, to Moos, to Saft, an’n leevsten to Appelkoken mit Slagrohm. Un Plummen gifft dat as dull, düsterblau fallt se in’t Gras un luert op Minschen, Wöpsen un anner Deerten. Beter wi plöckt ehr vörher af un maakt lecker Saken ut ehr. Man oppassen vör Wörms un anner Slechtigkeiten, lever nich so rinbieten.

 

De Beerboom smitt ok wat dal – wi sammelt allens glieks op, anners hebbt wi Matsch op den Grund. Överall is wat bi, nix geiht vun alleen – allens mutt opsammelt, afplöckt, in de Köök verarbeidt warrn. Is dat een vun de Grünnen, dat vele Lüüd keen Lust op Goorn mehr hebbt? Mag ween, man wat geiht düsse Minschen allens ut de Nees! Ja richtig, ut de Nees. Wat köönt se allens nich rüken un spören?

De Harvstblööm rüükt, ik freu mi över de satten Klören vun Dahlien un Astern. Ok de Krüder hebbt meist ehr beste Tiet hatt, man noch sweevt de Ruuch vun Melissen un Minzen dörch den Goorn – un scharp rüükt dat Zibbelkruut. Ik freu mi, dat mien Nees so veel mitkriegen deit in den Vörharvstgoorn. Morgens hangt de Ooltwieverspinnen in de Luft, mitünner liggt de Nevel över den Goorn. Dat Gras is al frisch un koolt, wenn ik barfoot loop. Maakt nix, ik kann dat geneten un sett mi för en Ogenblick dal op de grote Bank ünner den Appelboom. Schöön is dat, dat reine Septemberglück.

zur Startseite

von
erstellt am 14.Sep.2013 | 06:00 Uhr

Gefällt Ihnen dieser Beitrag? Dann teilen Sie ihn bitte in den sozialen Medien - und folgen uns auch auf Twitter und Facebook:

Diskutieren Sie mit.

Leserkommentare anzeigen