zur Navigation springen
So spricht Schleswig-Holstein

15. Dezember 2017 | 19:29 Uhr

100 Sekunden platt : Seniorenkaffee

vom

Was sich dort zugetragen hat, sollte man nicht nachmachen, meint Marianne Ehlers.

shz.de von
erstellt am 22.Mär.2013 | 03:28 Uhr

Also, mi is ja wat in de Hannen fullen, dat mutt ik an düsse Steed gau mal vördregen:

Bi uns in t Dörp geiht allens sien Gang, as Kind dor warrt man döfft un konfirmeert as junge Mann, so hett denn allens sien Recht. Un laterhen denn warrt man truut, dat weer al fröher so. Op düsse Oort höörst du denn ok in dien Dörp mit dorto.

Ik bün nu jüst eerst 70 woorn, dat weet ok uns Pastor, he laadt mi in, dat maakt ok Sinn, bün nu ja en Senior. To n Kaffeedrinken laadt he in de 70 sünd un mehr. Dor is wat loos, man wunnert sik, wo kaamt de Lüüd blots her?

Ob Fru, ob Mann, se kaamt all ran, sitt an fein smückte Dischen, un ik mit mien 70 Johr sitt merrnmang dortwüschen. Nu geiht dat los, de Paster snackt, will uns recht nett begröten, mit veel Humor, denn singt de Chor, Schoolkinner speelt op Flöten. De Kaffee dampt, de Koken smeckt, wi singt noch en poor Leder, man klöönt un snackt, de Tiet de löppt, tofreden is woll jeder. Klock söss harr ik genoog beleevt, ik müss ja mal na Huus. Ik keek mal hooch un wunner mi, werr immer noch nich Sluss.

Nee, nu güng noch en Teller rum, dat weer ja rein to dull. Dat weer ja nich mit antosehn, mit Geldschiens weer de vull! Nu keem de Teller ok na mi, wat weer ik do woll froh, to Kaffee, Koken, Leder singen keem ok noch Boorgeld to! 10 Euro heff ik mi blots nahmen, se schullen ja all wat kriegen un nächst Johr gah ik wedder hen, denn sowat mag ik lieden!

Bitte nich namaken seggt

Marianne Ehlers vun den Sleswig-Holsteenschen Heimatbund

zur Startseite

Gefällt Ihnen dieser Beitrag? Dann teilen Sie ihn bitte in den sozialen Medien - und folgen uns auch auf Twitter und Facebook:

Diskutieren Sie mit.

Leserkommentare anzeigen