100 Sekunden Platt : Schrieven lehren

Zum kreativen Schreiben gehört das richtige Handwerkszeug. Marianne Ehlers verrät, wo man dieses bekommen kann.

shz.de von
04. Oktober 2012, 09:04 Uhr

Kann een dat, Schrieven lehren? Kloor geiht dat. Nee, ik meen nu nich dat Rechtschrieven mit Nakieken int Wöörbook. Ik meen dat Handwark, wat de Schrieverslüüd so bruukt för en goden Text. Woans schall een anfangen, wo lang warrt de Geschicht, wat is en passlich Enn? Un wo schall de Geschicht naher heten? De Överschrift för dat Ganze is heel vun Bedüden.
Dat sünd Fragen, de jedereen, de schrieven will, sik stellen deit - egal in wat för en Spraak. En kreativ Idee, en schöne Thema, en "Plot" is ja al mal wat - man allens mutt in de richtige Form, in de passliche Reeg bröcht warrn. Un jüst dat kann een lehren.

An den ersten Oktober-Sünnavend draapt sik jünger un öller Schrieverslüüd in Rendsborg int Martinshuus un arbeidt mit ehr egen un anner Texten. Dr. Reinhard Goltz un Christiane Ehlers vunt INS in Bremen geevt Hölp un Stütt dorbi.
Düsse Dag schall en niegen Optakt ween för en Schriev-Warksteed vun den Sleswig-Holsteenschen Heimatbund. Dor gifft dat al en lange Traditschoon: siet de fröhen 90er Johren hebbt sik Schrieverslüüd ut uns Land tweemal int Johr för en Wekenenn drapen un mit un an ehr Texten arbeidt. Se hebbt en Barg lehrt un sünd ümmer wedder dorbi, wenn dat üm Priesen fört Schrieven geiht.
Texten schrieven - kann ik dat? Op düsse Fraag gifft dat en Anter. De Warksteed gifft dat nödige Handwarkstüüch mit op den Weg. Ik freu mi nu al op all de feinen Geschichten, de dorbi rutsuern warrt.
Schrievers-Gröten vun Marianne Ehlers vun den Sleswig-Holsteenschen Heimatbund

zur Startseite

Diskutieren Sie mit.

Leserkommentare anzeigen