zur Navigation springen

100 Sekunden Platt : Schölers leest Platt

vom

Plattdeutsche Lesewettbewerbe gibt es an vielen Schulen für verschiedene Altersklassen. Auch Kinder, die zu Hause kein Platt sprechen, können teilnehmen.

shz.de von
erstellt am 28.Nov.2011 | 01:27 Uhr

Överall int Land warrt leest un leest. Dat heet, erstmal warrt öövt un öövt. In de Scholen in Sleswig-Holsteen löppt jüst de grote landswiede Wettstriet "Schölers leest Platt". In dree verscheden Öllersgruppen köönt de Schölers sik Texten utsöken: dat gifft Heften för dat 3./4. Schooljohr, för dat 5.-7. Schooljohr un ok för de jungen Lüüd in de 8.-10. Klass.
De Geschichten sünd passlich utsöcht vun en Redaktschoon bi den Sleswig-Holsteenschen Heimatbund, teihn för jede Öllersgrupp. De Schölers söökt sik sülven en Geschicht ut, mitünner fraagt se ok Öllern un Grootöllern. Öövt warrt tohuus un in de School - un wokeen noch en Plattsnacker in de Familie hett, de is fein rut. Man dat gifft ok noch Kinner, för de is Platt de Moderspraak. Vele hebbt dat int Ohr vun Oma un Opa un köönt dorüm goot mit dat Lesen kloor kamen. Annern wedder lehrt dat as en frömme Spraak, ok dat funktschoneert.
Goot is, dat richtig veel Kinner un junge Lüüd dör düssen Wettstriet mit Platt to doon hebbt un sik mehrstiets ok intresseert. Maakt Spaaß, Pippi Langstrümp op Platt to lesen oder ok wat vun den lütten Prinzen to weten kriegen.
Gröten vun de Schoolbank vun Marianne Ehlers vun den Sleswig-Holsteenschen Heimatbund

zur Startseite

Gefällt Ihnen dieser Beitrag? Dann teilen Sie ihn bitte in den sozialen Medien - und folgen uns auch auf Twitter und Facebook:

Diskutieren Sie mit.

Leserkommentare anzeigen