zur Navigation springen
So spricht Schleswig-Holstein

17. Oktober 2017 | 10:31 Uhr

100 Sekunden Platt : Regen Regen ruusch

vom

Gegen Regen hilft ganz sicher ein Gedicht, das meint Marianne Ehlers.

shz.de von
erstellt am 29.Jun.2012 | 03:42 Uhr

Kiel | De Juni is vörbi - un he hett düchtig Regen för uns mitbröcht. Nu langt uns dat, wi wöllt Sünnenschien un blauen Heven. Kriegt wi ok, tominnst hett dat de Wederpogg int Fernsehn verspraken. Wi glöövt em dat - dat heet wi wöllt em dat glöven.
Un wenn dat nu doch nich stimmen deit? Denn sett wi uns in de Stuuv un kiekt mal in uns Bökerschapp. Wi hebbt ja soveel Böker. Kiek doch mal, Klaus Groth sien "Quickborn". Dor wöllt wi mal en beten wat Passliches söken.
Süh mal, hier heff ik wat - dat "Regenleed" kann uns villicht en beten trösten:
Regen , Regen, druus,
wi sitt hier warm int Huus!
De Vageln sitt inn Boom to kurn,
de Köh, de staht ann Wall to schuern:
Regen, Regen, druus,
wi sitt hier warm int Huus!
Regen, Regen, ruusch,
wat rüükt dat ut den Busch!
De Blööm, de hangt so slaprig daal,
de Bööm, de röhrt de Blääd nich mal:
Regen, Regen, ruusch,
wat rüükt dat ut den Busch!
Regen, Regen, suus
vun baven op uns Huus,
vunt Dack hendal inn strieken Stroom
un liesen ut den Eschenboom:
Regen, Regen, suus
vun baven op uns Huus.
Regen, Regen, rull,
bet all de Gröben vull!
Denn laat de Wulken övergahn,
laat de Sünn wedderkam:
Regen, Regen, rull,
bet all de Gröben vull!
Kiek doch, dat hett wat scheelt - de Sünn schient! Gau rut na buten, so lang as duert ...
Regengröten vun
Marianne Ehlers vun den Sleswig-Holsteenschen Heimatbund

1711830012001

zur Startseite

Gefällt Ihnen dieser Beitrag? Dann teilen Sie ihn bitte in den sozialen Medien - und folgen uns auch auf Twitter und Facebook:

Diskutieren Sie mit.

Leserkommentare anzeigen