zur Navigation springen
So spricht Schleswig-Holstein

17. Dezember 2017 | 19:23 Uhr

100 Sekunden Platt : Quickborn-Pries

vom

Heute geht der wichtige plattdeutsche Preis an Hartmut Cyriacks und Peter Nissen. Marianne Ehlers gratuliert.

shz.de von
erstellt am 01.Jun.2012 | 02:05 Uhr

Peter Nissen un Hartmut Cyriacks - wokeen kennt de beiden nich? Tominnst wi Plattdüütschen hebbt ümmer wedder mit düsse düchtigen Mannslüüd to doon. Wat hebbt se nich allens översett, schreven, dörchkeken un sik en Kopp över maakt! Dor is meist dat Enn vun weg.
Jüst sünd se ferdig mit över tweedusend Geschichten, de bi den Schriev-Wettstriet "Vertell doch mal" ingahn sünd. Un all Vertellens to dat Thema "Öllern" hebbt de beiden leest - un de besten rutsorteert.
Dat maakt dat Autorenduo jedes Johr wedder. Un översetten doot de beiden, dat de Köpp man so qualmen doot. Verleden Johr hebbt se den "Sommernachtsdroom" vun William Shakespeare int Plattdüütsche bröcht. Dat weer en Heidenarbeit un so richtig swoor, mit de Versen kloor to kamen. Man dat is wunnerboor glückt - un dat Ohnsorg-Theater in Hamborg harr en fulminante Optakt-Stück in dat niege Huus.

Dat sünd blots en poor Bispillen vun dat Wark vun de beiden Mannslüüd, de in Hamborg en Textmanufaktur bedrieven doot. Denk blots mal an Asterix un Obelix, an Donald Duck un an Harry Potter, all düsse Figuren hebbt vun Cyriacks/Nissen dat Plattsnacken lehrt. Un dorüm hebbt se en groten Andeel, dat Platt ünner de Lüüd - vör allen ünner junge Lüüd kümmt.
Dat de beiden Plattmakers nu den Quickborn-Pries kriegen schöllt, jüst vundaag köönt se em in de Hand nehmen - dat is mehr as verdeent. De Sporkassenstiften Neddersassen hett dat grote Portemonai opmaakt un nimmt dat vundaag mit na dat schöne Frielicht-Museum ann Kiekebarg achter Harborg.
En hartlich Graleren vun Marianne Ehlers vun den Sleswig-Holsteenschen Heimatbund

zur Startseite

Gefällt Ihnen dieser Beitrag? Dann teilen Sie ihn bitte in den sozialen Medien - und folgen uns auch auf Twitter und Facebook:

Diskutieren Sie mit.

Leserkommentare anzeigen