zur Navigation springen
So spricht Schleswig-Holstein

24. Oktober 2017 | 14:23 Uhr

100 Sekunden Platt : Poesie in Sassen

vom

Marianne Ehlers besucht die Tage der Poesie in Annaberg in Sachsen. Heute in unserer Serie "100 Sekunden Platt".

shz.de von
erstellt am 15.Jun.2012 | 08:49 Uhr

Veel verscheden Lyrik gifft dat to hören bi de "Daag vun de Poesie" in Sassen. Dor, wo fröher dat Sülver ut den Grund keem, in Annaberg, dor draapt sik Mundoort-Lyrikers ut ganz Düütschland. Un - na kloor, de Plattdüütschen sünd ok dorbi, liekers wi ja nich to de Mundoort-snackers un -schrievers höört. Wi sünd ja stolt, dat uns Plattdüütsch en Spraak is un mit Mundorten egentlich nix to doon hett.
Man wi köönt jüst so as de Bayern, Swaben un Franken un wo se all heten doot - wi köönt uns utdrücken in uns Heimatspraak. Wi bruukt ehr as lyrische Spraak för Gedichten un vele anner Texten. Se is uns neeg un vertruut - un jüst dorüm lett sik ok so fein dichten op Platt.

Dat wiest wi nu bi de Sassen - un wi höört uns an, wat anner Lüüd ut all Ecken vun Düütschland uns vördichten doot. Nich blots Moselfränksch un Alemannsch, nee, mehr as teihn verscheden Mundorten gifft dat to hören. So seggt Ralph Grüneberger, de Vörsitter vun de Düütsche Lyrik-Sellschop. Man en Babel schall dat nich warrn - dat wünscht he sik. Een schall den Annern verstahn , un dat schall woll glücken.
Un wenn dat een oder anner Woort dorbi is, wat nich jedereen mitkriegen kann, denn schaadt dat nix. De grote Sinn warrt een seker klookkriegen un sik över den Klang un de Billerspraak vun Mundorten freuen. Wat de Plattdüütschen verstahn warrt? Na, is nich so eenfach - man af un an lett sik ja mal een Saak op Hooch verkloren. Denn dat hebbt ja all Dichterslüüd in Annaberg gemeen. Se köönt hoochdüütsch verstahn!
Mundoortig Gröten vun
Marianne Ehlers vun den Sleswig-Holsteenschen Heimatbund

zur Startseite

Gefällt Ihnen dieser Beitrag? Dann teilen Sie ihn bitte in den sozialen Medien - und folgen uns auch auf Twitter und Facebook:

Diskutieren Sie mit.

Leserkommentare anzeigen