zur Navigation springen

100 Sekunden Platt : Platt inn Kinnergoorn

vom

Marianne Ehlers fragt, wo und wann Kinder Plattdeutsch lernen können. Gute Chancen gibt es in den schleswig-holsteinischen Kindergärten.

shz.de von
erstellt am 10.Feb.2012 | 03:03 Uhr

Wo un wann fangt dat Plattsnacken an? Am besten weer dat woll, dat füng to Huus an, in de Familie, dat Vader oder Mudder oder ok beide Öllern, mit ehr Kinner so ganz normal, as dat fröher mal weer, plattdüütsch snacken worrn.
Man wi weet all, düsse Tiet is vörbi, vundaag is dat de grote Utnahm, ok hier bi uns in Sleswig-Holsteen, wenn Kinner un Öllern platt miteenanner snackt. Mit veel Glück gifft dat noch Grootöllern, de ehr Enkelkinner wat op Platt vertellt.

Doch de Chance, in fröhe Kinnertiet wat vun de plattdüütsche Spraak mit to kriegen, is in Sleswig-Holsteen gornich mal so schlecht. Vele Kinnergoorns int Land beedt Plattdüütsch an. Un dor gifft dat Strukturen, de lang wussen sünd, man ok veles, wat in de verleden Johren nie op den Weg bröcht worrn is.
Dat Motto "Twee Spraken sind mehr as een" un ok de velen Ünnersöken över dat Thema "Nützlichkeit der frühen Mehrsprachigkeit" bit hen to de Utsaag vun mehr Intelligenz, dat Nadenken över Spraak as Heimat un Tohuus - all düsse Grünnen un noch annere mehr hebbt dat hier bi uns int Land mit sik bröcht, dat Plattdüütsch en Thema in de Kinnergoorns woorn is.
Veel anschaven hebbt de "Schleswig-Holsteinische Heimatbund" un de Nedderdüütsch-Zentren in Leck un Ratzborg - se hebbt in de vergangen Johren bit nu en ganze Reeg an Veranstaltens anbaden un dörchföhrt. So hebbt Mitarbeiters vun Kinnergoorns ok in düt Johr wedder vele Gelegenheiten, sik uttorüsten mit Ideen, Arbeitsmaterialien un praktische Tipps för dat Ümsetten int egen Huus. Un so schall dat wiedergahn - mit Emma, de Mööv, de blots Platt kann un anner Deerten. Tööv man af, bald sünd se wedder in de Gang!
Gröten an Kinner un grote Lüüd vun Marianne Ehlers vun den Sleswig-Holsteenschen Heimatbund.

zur Startseite

Gefällt Ihnen dieser Beitrag? Dann teilen Sie ihn bitte in den sozialen Medien - und folgen uns auch auf Twitter und Facebook:

Diskutieren Sie mit.

Leserkommentare anzeigen