zur Navigation springen
So spricht Schleswig-Holstein

22. Oktober 2017 | 19:31 Uhr

100 Sekunden Platt : Platt in Westfalen

vom

Wie sieht es denn im Münsterland mit dem Plattdeutschen aus? Das berichtet Marianne Ehlers.

shz.de von
erstellt am 27.Apr.2012 | 12:39 Uhr

Annerletzt in Mönster weer groot wat los: de Sprekergrupp vun de Plattdüütschen hett sik mit de Vertreders vun de enkelten Bundslänner drapen. In acht Bundslänner in Düütschland gifft dat noch Plattsnackers, wokeen harr dat dacht?
Un dor seten se denn, de Delegerten ut: Brannenborg un Bremen, Hamborg un Mekelnborg-Vörpommern, Neddersassen un Noordrhien-Westfalen, ut Sassen-Anhalt un Sleswig-Holsteen. Un denn gifft dat noch de Plautdietschen, de to keen Bundsland so richtig tohören doot, man ok mit ann Disch sitt.

Jedereen hett sien egen Platt - man wegen dat Offizielle wörr meisttiets hoochdüütsch snackt. Denn de Vertreders ut jüst düsse Länner weren nicht all Plattsnackers. Maakt ja nix, dat geiht ja dorüm, dat se wat doot för de Spraak - un dat se sik üm de Charta för de Regional- un Minnerheitenspraken kümmert. Denn de hebbt se in verscheden Delen all ünerschreven.
Man dat is recht verscheden, wat so för Platt passeert. In Mönster un ümto sünd de Sprekers nich so recht tofreden. Dat Intresse vun de Böversten is man mau, so seggt Ulrich Backmann, de dat Leid vun de Fachsteed för Plattdüütsch bi den Westfäälschen Heimatbund hett.
So weer dat man goot, dat sik mal all to dat "Bund-Länner-Referenten-Drapen" an een Disch sett hebbt un veel miteenanner snackt hebbt.
Mal sehn, wat dorbi rutsuern warrt. Anner Johr draapt sik all wedder - in Sleswig-Holsteen!
Recht verscheden Platt-Gröten bringt Marianne Ehlers vun den Sleswig-Holsteenschen Heimatbund.

zur Startseite

Gefällt Ihnen dieser Beitrag? Dann teilen Sie ihn bitte in den sozialen Medien - und folgen uns auch auf Twitter und Facebook:

Diskutieren Sie mit.

Leserkommentare anzeigen