100 Sekunden Platt : Platt in de VHS

Platt kann man lernen, auch wenn man schon ein bisschen älter ist, zum Beispiel in einem Volkshochschulkursus bei Marianne Ehlers.

Avatar_shz von
09. November 2012, 10:30 Uhr

An düssen Sünnavend lohnt sik dat, mal na Kiel int Landshuus to föhren. Wat dor los is? Richtig wat Godes! All Volkshoochscholen int Land präsenteert sik inn Kieler Landdag. Een ganzen Dag lang köönt sik de Besökers över de Programme informeren, köönt ankieken un mitmaken. Los geiht dat bi den Aktschoonsdag morgens Klock teihn mit en Begröten vun Landdagspräsident Klaus Schlie un denn mit en Debatt över de Tokunft vun de Billen vun utwussen Lüüd.

Un denn gifft dat veel to doon: hier mal kieken, dor mal informeren över Malen un Sport, över Gesundheit un Musik, över Fotograferen un Computer, över Danzen un Theater ... un na kloor, Plattdüütsch is ok dorbi. Vele Volkshoochscholen in Sleswig-Holsteen hebbt en Plattkurs int Programm. Un ümmer wedder kaamt jünger un öller Lüüd ton Frischlehren oder ok ton Opfrischen.
An een Dag kann een de Spraak natürlich nich op de Pann kriegen. Man för en Crash-Kurs is Tiet - tweemal hebbt de Lüüd de Schangs an düssen Dag. Un dat maakt Spaaß, verspraken! Mehr schall nich verraadt warrn. Kiek man mal int Internet oder roop mal an ünner 0431-979840. En Fleger mit dat hele Programm vun den Dag gifft dat ok. Denn man to - suus mal hen na Kiel. Dr. Martin Lätzel, Verbandsdirekter vun den Landsverband vun de Volkshoochscholen - un ok noch Maat in dat Präsidium vun den SHHB, freut sik över vele Besöker.
Volkshoochschool-Gröten vun
Marianne Ehlers vun den Sleswig-Holsteenschen Heimatbund

zur Startseite

Diskutieren Sie mit.

Leserkommentare anzeigen