zur Navigation springen
So spricht Schleswig-Holstein

21. November 2017 | 01:53 Uhr

100 Sekunden Platt : Oostern int Gedicht

vom

Dass es auch plattdeutsche Ostergedichte gibt, beweist Marianne Ehlers in dieser Woche.

shz.de von
erstellt am 05.Apr.2013 | 01:15 Uhr

Advents- un Wiehnachtsgedichten kennt wi ja en Barg - welk dorvun sogor butenkopps. Man wi süht dat denn mit Oostergedichten ut? Dor kaamt wi int Simmeleren un weet nich so recht wat. Keen Problem, wi hebbt ja uns plattdüütschen Böker - un kloor, dor warrt ok över Oostern dat een oder anner schreven. Ton Bispill düt Gedicht vun Heinrich Hornig heff ik funnen:

An de Oosterhaas

Leev Oosterhaas, leev Oosterhaas, nu maak mi mal en netten Spaaß un legg glieks hunnert Eier för mi un Willi Meier.

Un hest du ok nich ganz so veel, denn mal ehr an, fein root un geel un blau un bruun un gröön, de smeckt so wunnerschöön.

Wi seggt Bescheed bi Jäger Veit, dat he di jo ni scheten deit. To Winter, wenn allns frorn is un Ies op jeden Pohl, du weetst ja, wo uns Goorn is, denn kriggst du sattgröön Kohl.

Leev Oosterhaas, ik beed di, maak gau, ehr du verreist! Segg anner Jungs de Steed ni, wo du welk leggen deist!

Ok Ursula Kurz ut Mekelbörg hett wat to Oostern schreven: Fröhliche Oostern

Hoppel un Poppel, de leven as Poor Plietsch in ehr Kuhl achtern Rasen. Uterdem wahn noch Pipfax dor, all tohoop wern se Hasen.

As nu de Oostertiet keem in dat Land, schull dat ok Pipifax lehren, wo dat güng mit den Eierversand, aver de Lütt wull nich hören.

He hööl de Löpel to, prüün mit sien Snuut, wull mit keen Eier sik plagen. He toov lever in dat Gras un mang Kruut, ööv ok, de Haken to slagen.

Un wo düt Johr nu dat Oosterei fehlt, wo dat rein nix gifft to naschen, dor harr lütt Pipifax liesen verspeelt seker sien Poot in de Taschen.

Fröhlich Oostergröten vun Marianne Ehlers vun den Sleswig-Holsteenschen Heimatbund

zur Startseite

Gefällt Ihnen dieser Beitrag? Dann teilen Sie ihn bitte in den sozialen Medien - und folgen uns auch auf Twitter und Facebook:

Diskutieren Sie mit.

Leserkommentare anzeigen