zur Navigation springen
So spricht Schleswig-Holstein

12. Dezember 2017 | 05:22 Uhr

100 Sekunden Platt : Meist Wiehnachten

vom

Die Vorfreude auf Weihnachten ist wunderschön, das findet Marianne Ehlers und hat noch mehr schöne Gedichte.

shz.de von
erstellt am 21.Dez.2012 | 03:54 Uhr

De Hillige Avend is nich mehr wiet.
Un bald heet dat för de Lütten:
Kumm rin, leev Wiehnachtsmann
Wat kloppt dor buten an de Döör?
De Wiehnachtsmann, de steiht dorvör!
Nu kaam man rin, du leev ool Knecht,
dor buten is dat Wedder slecht.
Hest lang noog seten op den Sleen
un hest woll al ganz kole Been.
Dat is ja meist ton Gotterbarm,
bi uns binnen is dat mollig warm.
Den groten Sack bring man mit rin,
mit all dat schöne Speeltüüch binn.
Mit Appeln, Nööt un Marzipan
unn Dannboom mit veel Lichter an.
Un laat man allens bi mi stahn,
un denn - denn kannst wedder gahn.
Man blots de Rood nehm wedder mit,
de mag ik nich - igittigitt!

Dat hett de Schrieversmann Karl Otto aver mal fein seggt!
Un Hermann Claudius nimmt uns ok wedder torüch - hen na uns Kinnertiet:
Vörfreud
Dat Duuster weev sien heemlich Nett
in de lütt Kamer hen un her.
De Kinner tuschelt al int Bett.
Wenn t doch eerst Wiehnachts-avend wörr!
Krieg ik dat Peerd? Krieg ik de Popp?
Se tellt woll dusend Saken her.
De Kinner tuschelt noch int Bett.
Wenn t doch eerst Wiehnachts-avend wöör!
"Slaap in, mien Lies! Slaap in, mien Jan!"
De Kinner kloppt al an de Döör.
"Sünst segg ik dat den Wiehnachtsmann!"
Wenn t doch eerst Wiehnachts-avend wöör!

Gröten ton veerten Advent un fröhlich Wiehnachten vun
Marianne Ehlers vun den Sleswig-Holsteenschen Heimatbund

zur Startseite

Gefällt Ihnen dieser Beitrag? Dann teilen Sie ihn bitte in den sozialen Medien - und folgen uns auch auf Twitter und Facebook:

Diskutieren Sie mit.

Leserkommentare anzeigen