zur Navigation springen
So spricht Schleswig-Holstein

24. Oktober 2017 | 08:29 Uhr

100 Sekunden Platt : Lesen in Mölln

vom

Der niederdeutsche Autorentag in Mölln findet jedes Jahr am Samstag vor Muttertag statt. Unsere Platt-Autorin Marianne Ehlers ist dabei und verrät, was die Besucher erwartet.

shz.de von
erstellt am 11.Mai.2012 | 02:16 Uhr

Eenmal int Johr warrt den ganzen Dag Platt leest - ümmer an den Sünnavend vör Mudderdag. Dat gifft dat nich? Na kloor doch - fohr du mal na Mölln vundaag, denn kannst du dat beleven. Soveel Schrieverslüüd op en Dutt, de ut ehr egen Böker oder tominnst vun ehr Zeddels leest, de finnst du sünst nich.
Dat geiht los mit en Vördrag vun Perfesser Willy Diercks, de vele Johren lang de Schriev-Warksteed bi den Sleswig-Holsteenschen Heimatbund leit hett. Un dorna stellt Lüüd, de bi em in de Lehr gahn sünd, ehr Warksteed-Texten vör.
1598282049001
Wat een nich allens maken kann ton Öven: op en Satz toschrieven, vun en Satz wegschrieven, en Geschicht to en Bild vertellen, sik in en anner Tiet oder an en anner Steed setten un denn losschrieven. Kannst mal gespannt ween, wat dat dor to hören gifft.
Un denn geiht dat den ganzen Dag mit Autorenlesen wieder. Blots du musst di entscheden, denn dor warrt to glieker Tiet an verscheden Steden in den schönen Stadthaupt-mannshoff in Mölln leest.
De Stiften Hartogdom Lauenborg organiseert düssen Dag tosamen mit Volker Holm vun dat Plattdüütsch-Zentrum Ratzborg. Kiek mal vörbi un bring en beten Tiet mit - dat warrt en schönen Dag rundüm dat Lesen in en wunnerboor "Ambiente" - un wat Feins ton Eten un Drinken gifft dat ok.
Wokeen allens nalesen will, kann dat achterran doon. As jedes Johr gifft dat en Dokumentatschoon över den ganzen Dag.
Hartlich Autorengröten vun Marianne Ehlers vun den Sleswig-Holsteenschen Heimatbund

zur Startseite

Gefällt Ihnen dieser Beitrag? Dann teilen Sie ihn bitte in den sozialen Medien - und folgen uns auch auf Twitter und Facebook:

Diskutieren Sie mit.

Leserkommentare anzeigen