zur Navigation springen

100 Sekunden Platt : Lees mal wedder Platt

vom

Dank der finanziellen Hilfe des Sparkassen- und Giroverbandes und der Sparkassenstiftung kann der Lesewettbewerb „Schölers leest Platt“ wieder durchgeführt werden. Marianne Ehlers berichtet davon.

shz.de von
erstellt am 28.Sep.2013 | 06:00 Uhr

Kloor lees ik mal wedder Platt, ümmer mal wedder geern. Bruukt mi keen Bescheed to geven, dat maak ik vun alleen.

Man för vele Lüüd in’t Land is dat Lesen vun plattdüütsche Texten en Problem. Se köönt snacken un vertellen, man wenn dat an’t Lesen un Schrieven geiht, denn sitt se op den Proppen. Se sünd dat eenfach nich wennt worrn.

Is doch gornich swoor! So seggt de mehrsten Schölerinnen un Schölers in Sleswig-Holsteen, de jüst de niegen Leesheften vun den Wettstriet „Schölers leest Platt“ in de Hannen hebbt. Bunt un smuck sünd de Heften worrn – in dree Öllersgruppen gifft dat Texten, lustig un spannend, vergnöögt un unheemlich, witzig un to’n Nadenken. Jüst so as bi hoochdüütsche Geschichten is allens dorbi. De jungen Lesers köönt sik wat utsöken – un denn warrt öövt, mit de Lehrerinnen un Lehrers, villicht ok mit Öllern un Grootöllern. Bit Wiehnachten mööt de Scholen ehr Siegers na den Sleswig-Holsteenschen Heimatbund mellt hebben – un in dat niege Johr geiht dat denn in de nächsten Runnen bit hen na den groten Landsentscheed.

Ok Kinner, de vörher keen Platt snackt hebbt, köönt mitmaken. Dat is keen Problem, de Geschichten to öven – dat Snacken kümmt denn naher vun ganz alleen. „Platt – ik bün dorbi“ is dat niege Motto vun den Wettstriet. Dorför hebbt de Sporkassen- un Giroverband un ok de Sporkassenstiften in Sleswig-Holsteen ganz deep in de Tasch grepen. Is dat nich wunnerboor? Dorför seggt wi Dank un freut uns doröver. Blots dorüm klappt dat mit dat Lesen in’t Land – un dorüm köönt wi  ok seggen: „Lees mal wedder Platt!“ Dat maakt Spaaß!

Gröten twüschen dat Lesen vun

Marianne Ehlers vun den Sleswig-Holsteenschen Heimatbund

zur Startseite

Gefällt Ihnen dieser Beitrag? Dann teilen Sie ihn bitte in den sozialen Medien - und folgen uns auch auf Twitter und Facebook:

Diskutieren Sie mit.

Leserkommentare anzeigen