zur Navigation springen
So spricht Schleswig-Holstein

18. Oktober 2017 | 15:24 Uhr

100 Sekunden Platt : Juni-Tiet

vom

Zum Sommergrün im Garten passt das Gedicht "Morgen" besonders gut. Darüber denkt Marianne Ehlers nach.

shz.de von
erstellt am 14.Jun.2013 | 03:02 Uhr

Wat is dat doch gröön buten - ik kann dat so richtig geneten. Ut dat helle Maigröön is intwüschen dat Sommergröön worrn - is en beten düsterer in de Klöör, man liekers so fein antokieken.
So sett ik mi denn buten hen un simmeleer en beten. Un bün mit eenmal nich blots hier un nu, mien Gedanken gaht hen na dat Fröher un na dat Morgen. Un dorto gifft dat en Gedicht vun mi:

Morgen
Morgen
gah ik na buten
in uns Goorn
freu mi över dat Gröön
över Blomen un Gras
Morgen
gah ik op Reisen
in en Land
freu mi över de Welt
över Heven un Eer
Morgen
heff ik keen Lasten
bün ik frie
freu mi op Leven
op Leven mit di
Morgen
wann is denn morgen
segg du mi
is dat uns Leven
oder is dat vörbi
morgen
Kannst över nadenken, man kannst di ok eenfach op inlaten - un singen lett sik dat Stück ok, dat gifft en Chorsatz dorto - de is rinkamen in en Reeg vun niege Chormusik.
So wünsch ik denn hüüt in de Mitt vunn Juni uns all en schönen Morgen!
Gröten ut t Gröne seggt Marianne Ehlers vun den Sleswig-Holsteenschen Heimatbund.

zur Startseite

Gefällt Ihnen dieser Beitrag? Dann teilen Sie ihn bitte in den sozialen Medien - und folgen uns auch auf Twitter und Facebook:

Diskutieren Sie mit.

Leserkommentare anzeigen