zur Navigation springen
So spricht Schleswig-Holstein

19. Oktober 2017 | 22:38 Uhr

100 Sekunden Platt : In Kalifornien

vom

Man muss nicht in den Flieger steigen, um nach Kalifornien zu kommen. Marianne Ehlers erzählt, wie der bekannte Ostseestrand seinen Namen bekam.

shz.de von
erstellt am 24.Aug.2012 | 06:26 Uhr

Annerletzt heff ik mal Urlaub maakt - in Kalifornien. Du meenst, ik harr ja woll toveel Geld un toveel Tiet? Nee, doch nich dat Kalifornien - ik meen dat anner, dat an de Oostsee. Dor is dat veel schöner as in dat richtige, glööv ik.
Kalifornien is en Deel vun dat Oostseebad Schönberg - mit en feine Stück Strand. Kloor gifft dat en Geschicht, worüm dat so heten deit.
Eenmal funn en Fischer en Stück vun en Schipp, en Plank. He dach sik, dat nimmst mit, hest wat ton Böten. Man as he dat tohuus en beten neger ankieken dee, seeg he ünner Muscheln un gröne Algen en ganze Reeg Bookstaven. Na un na keem dat Woort "California" dorbi rut.

Wat ut dat Schipp mit den Naam "Cailfornia" worrn is, dat weet keen Minsch. Man düt Stück vun Schönberg harr sienen Naam weg. Un so kümmt dat, dat wi Sleswig-Holsteener gau mal na Kalifornien fohren köönt - un wenn dat blots ton Eten int Hotel Seestern is.
Dorna mööt wi uns den Oostseewind üm de Nees weihn laten. So spazeert wi en Stück wieder un kaamt hen na Schönberger Strand. Un denn hebbt wi Kaffeedöst. Jüst hebbt wi doröver nadacht, dor steiht an de Promenaad en Figur un warvt för "Omas Kaffeestuuv". Denn man rin, vörbi an Spitzendeken un ole Kaffeemöhlen. Süht reell so ut as bi uns Oma fröher. Un de Koken is en Droom, allens sülven backt: Kolen Hund un Friesentort, Frankfurter Kranz un Keeskoken, lecker! Un so dicht bi Kalifornien, man gau hen!
Oostsee-Gröten vun Marianne Ehlers vun den Sleswig-Holsteenschen Heimatbund

zur Startseite

Gefällt Ihnen dieser Beitrag? Dann teilen Sie ihn bitte in den sozialen Medien - und folgen uns auch auf Twitter und Facebook:

Diskutieren Sie mit.

Leserkommentare anzeigen