zur Navigation springen
So spricht Schleswig-Holstein

14. Dezember 2017 | 11:16 Uhr

100 Sekunden Platt : En Reis na Lübeck

vom

Nein, es geht nicht um die altbekannte Geschichte auf Platt. Lübeck ist generell eine Reise wert, findet Marianne Ehlers.

shz.de von
erstellt am 23.Mär.2012 | 02:44 Uhr

Nee, dat will ik glieks verkloren: mit de ole Geschicht vun dat Ehpoor, dat en Reis na Lübeck maken deit un gor nich weet, woans dat togeiht in de Stadt - dormit hett mien Stremel vundaag gornix to doon.
In Lübeck wahnt mien Cousine - un af un an besöök ik ehr. Dat is fein un maakt Spaaß - un wi vertellt uns veel vun fröher un hüüt.
Annerletzt hett se mi dat Buddenbrook-Huus wiest un ok dat Günter-Grass-Huus hett to uns Programm dorto höört. Eenmal indükern in de düütsche Literatur vun fröher un vun meist hüüt, af un an deit dat goot un veles sorteert sik denn ok anners.

Wi gaht dörch de olen Straten un laat uns denn dörch de Stadt föhren. De Geschicht warrt lebennig, wat is hier nich allens passeert in de ole Hansestadt. Un bi "Hanse" fallt uns natürlich glieks in, dat de Spraak in den ganzen noordeuropääschen Ruum ja domals Plattdüütsch weer. De Hannel in de Hansetiet lööp op Platt af, sogor schreven worr in de Spraak. Ole Urkunnen vertellt dorvun.
Man, dat wörr uns vundaag gefallen: Europa snackt Platt! So ganz vun de Hand wiesen kann een dat ja nich: een Drüddel vun de Wöör ut dat Däänsche, Sweedsche un Norwegsche kaamt ut dat Plattdüütsche! Wokeen weet dat al?
Un Engelsch un Platt hebbt ja sounso veel miteenanner to doon. Denk blots mal an dat Wannern vun de Angeln un de Sassen...
Nu aver torüch na Lübeck - de Reis geiht nich to Enn, ohn dat wi eenmal dörch dat grote Holstendoor spazeert - un noch wat: wi mööt noch Marzipan eten!

zur Startseite

Gefällt Ihnen dieser Beitrag? Dann teilen Sie ihn bitte in den sozialen Medien - und folgen uns auch auf Twitter und Facebook:

Diskutieren Sie mit.

Leserkommentare anzeigen