zur Navigation springen

100 Sekunden Platt : De schäbige Wiehnachtsmann

vom

100 Sekunden Platt: Marianne Ehlers hat mehrere seltsame Weihnachtsmänner getroffen.

shz.de von
erstellt am 16.Dez.2011 | 04:47 Uhr


Ach du leve Wiehnachtsmann,
kiek doch mal dien Büxen an.
Un dien Steveln sünd vull Schiet.
Nee, dat geiht denn doch to wiet.

Kiek di doch mal in’n Spegel an,
leve gode Wiehnachtsmann.
Segg, wat is denn blots
mit dien Sack dor los?

Nee, wat süht dat ut,
de Geschenke fallt meist rut.
Löcker achtern, Löcker vörn,
muss di ja schamen vör de Gör’n.

Dat süht doch gliek de lüttste Wicht,
akkraat - nee, dat büst du nich.
Ach du leve Wiehnachtsmann,
treck di doch erstmal richdig an.

Man, dor hett Theodor Lübbe sik aver en plünnigen Wiehnachtsmann utdacht, mal so ganz anners, as wi den goden olen Mann sünst kennen doot. De tweete Wiehnachtsmann op mien Zeddel is aver ok nich veel beter. Wat aver egentlich wichtig is, dat weet de Kinner:


Wiehnachtsmann in Noot

Steiht n Mannsminsch opn Süll,
nix as Boort un Nees un Brill,
roden Rock bet op de Eer,
Sack un Rood un sünst nix mehr.
Lüttje Anke lett so bang
as dat Hääsken vör de Slang.
Mitn Finger mang de Tähn
Waagt se kuum, em antosehn.

"Kennst du mi nich, lüttje Deern?
Kiek, ik heff all Kinner geern,
bring de goden Zuckerpoppen,
schall de legen achtern kloppen.
Do dat man al lang nich mehr."

De Stimm kenn ik, denk dat Göör,
nimmt den Finger utt Gesicht,
lacht heel blied:

"Wat schullk man nich?
Du büst wiss mien Opa, Mann,
hest doch ok sien Steveln an!"

Schaad, denkt Opa, dat is ween,
treckt de Lüttje op sien Kneen.
"Düt Johr sitt s noch op mien Schoot,
tokam Johr büst al to groot –
ach, wat löppt de Tiet dorhin!"
Tux de Lütt em: "Wat s in’n Sack denn binn?"


Wiehnachtsmanngröten to’n veerten Advent
Marianne Ehlers vun den Sleswig-Holsteenschen Heimatbund

zur Startseite

Gefällt Ihnen dieser Beitrag? Dann teilen Sie ihn bitte in den sozialen Medien - und folgen uns auch auf Twitter und Facebook:

Diskutieren Sie mit.

Leserkommentare anzeigen