100 Sekunden Platt : De Rummelpott geiht um

Marianne Ehlers singt - denn zum Jahreswechsel gehört auch das Rummelpott-Laufen. Und das geht am besten mit einem traditionellen Lied.

Avatar_shz von
29. Dezember 2011, 11:11 Uhr

Wöllt wi Rummelpott lopen? Ja? Denn man to, ik nehm di mit! Gau verkleden un denn geiht dat los. Wat, du kennst de Leder nich mehr? Dor weet ik Hölp: höör to un sing mit!

Fru, maak de Döör op,
de Rummelpott will rin,
dor kummt en Schipp ut Holland an,
dat hett en goden Wind.
Un wenn dat Schipp vun Holland kummt,
denn hett dat goden Wind,
un wenn de Schipper vun Holland kummt,
denn hett he n goden Sinn.
Schipper, wullt du wieken,
Fährmann, wullt du strieken,
sett dat Seil op den Topp
un giff mi wat in n Rummelpott.
Laat mi nich to lang stahn,
ik mutt noch en Huus wieder gahn,
halli halli hallo,
dat geiht na Holland to!
Halli halli hallo,
n Appelkoken dorto,
en Stück Speck un en Stück Broot,
dat is goot för Hungersnoot.
In düt Huus wahnt n rieken Mann,
de uns de Büdel füllen kann,
een, twee, dree, veer,
wenn t ok en halven Daler weer.
Rummel, rummel um dat Huus,
hesst keen Ei, denn geev mi n Wust,
een vun de witten,
de swatten kann k nich bieten.
Witten Tweern un swatten Tweern,
dat ool Wief dat gifft nich geern!
Hau de Katt den Swanz af,
hau em nich to lang af,
laat n lütten Stummel stahn,
de Rummelpott mutt wiedergahn!
Een Huus wieder wahnt de Snieder,
een Huus achter wahnt de Slachter,
een Huus wiederan wahnt de Wiehnachtsmann,
un in dat Huus in e Mitt
wahnt de dicke Smitt!
Ooltjohr, Niejohr,
Mudder, sünd de Förten goor?
Sünd se goor, so giff mi n poor.
Krieg ik een, so bliev ik stahn,
krieg ik twee, so will ik gahn.
Sünd se n beten kleen, so gifft dat twee för een.
Sünd se n beten groot, so smeckt se mal so goot.
Sünd se n beten fett,
denn smeckt se ok noch nett!
Un giff mi nich to knapp,
dor sünd noch welk int Schapp!
Man ümmer her, man ümmer her,
dat Schapp, dat is noch lang nich leer!

Veel Spaaß bit Rummelpott-Lopen un en goden Rutsch wünscht Marianne Ehlers vun den Sleswig-Holsteenschen Heimatbund.

zur Startseite

Diskutieren Sie mit.

Leserkommentare anzeigen