zur Navigation springen
So spricht Schleswig-Holstein

17. Oktober 2017 | 16:09 Uhr

100 Sekunden Platt : De ole Reuter

vom

Fritz Reuter stammt aus Mecklenburg. Marianne Ehlers begibt sich auf die Spuren des alten Dichters.

shz.de von
erstellt am 13.Apr.2012 | 05:51 Uhr

"Uns Fritzing" seggt de Mekelnbörger, wenn se över den olen Dichtersmann snackt. He is een vun de bekannten plattdüütschen Schrieverslüüd - un keen anner hett al to Leevtieden soveel Böker verköfft as Fritz Reuter. He gellt as de Romanschriever ünner de Dichters vunt 19. Johrhunnert, Klaus Groth is de Lyriker - un Johann Hinrich Fehrs de Novellenschriever.
"Ut miene Stromtiet" un "Ut miene Festungstiet", so heet de bekannten Romans vun den Mekelbörger Schriever, un de kann een sogor in en hoochdüütsch Översetten kriegen. "Läuschen un Riemels" hett he düchtig schreven, de korte Form weer em nich frömd. För all Gelegenheiten harr he wat op de Pann, un wenn dat en Gedicht to en Polteravend weer.

Wi Lesers doot uns en beten swoor mit dat Lesen vun dat Reuter-Platt - un af an an spekuleert wi över Sätz as:
"Wer t mag, de mag t - un wer t nich mag, de mag t ja woll nich mögen!"
In Schwerin gaht wi geern mal int Theater, de plattdüütsche "Fritz-Reuter-Bühn" - will höpen, düsse Bühn gifft dat noch lang, un se fallt bi dat Kultursporen nich achtern rut.
In Stavenhagen gifft dat en "Fritz-Reuter-Museum" - un en plattdüütschen Pries mit den Dichtersnaam gifft dat ok.
Reuter is lebennig in sien Land, dat steiht fast, en Kultfigur mit vullen Boort. Dat schall he blieven, ok wenn wi in Noorddütschland geern mal den enen oder annern modernen Schriever in de Reeg mit rinstellen wöllt.
Mekelnbörger Gröten vun Marianne Ehlers vun den Sleswig-Holsteenschen Heimatbund.

zur Startseite

Gefällt Ihnen dieser Beitrag? Dann teilen Sie ihn bitte in den sozialen Medien - und folgen uns auch auf Twitter und Facebook:

Diskutieren Sie mit.

Leserkommentare anzeigen