zur Navigation springen
So spricht Schleswig-Holstein

17. Oktober 2017 | 06:08 Uhr

100 Sekunden Platt : Dat Schaltjohr

vom

Was machen wir eigentlich mit dem zusätzlichen Tag in diesem Jahr? Marianne Ehlers hat eine kleine Ideensammlung.

shz.de von
erstellt am 24.Feb.2012 | 02:41 Uhr

2012 is en Schaltjohr - wi hebbt een ganzen Dag mehr ton Leven. Dor maak man wat ut, ut düssen 29. Februar. Nimm di wat Schönes vör, gah eten mit dien Frünnen, gah int Kunzert oder int Theater - denn düssen Dag hest du blots eenmal in veer Johren.
Du kannst noch wat Anners maken: du nimmst di den Dag för di alleen, du büst eenfach nich dor för anner Lüüd. Du schaltst di rut ut de Tiet, ut dien Leven un büst mal weg.
Bruukst nich verraden, wat du maakst an den Dag. Ik för mi harr ja en gode Idee: ik much mal den ganzen Dag blots lesen. Ik bün so achterran mit all mien Böker, kaam eenfach nich dorto. Weer doch fein, ik kunn den 29. Februar to mien Leesdag maken.

Anner Lüüd maakt sik villicht en Dag fört Utspannen un Schöön warrn. Se gaht in de Badewann, ölt sik naher in, maakt Masken op de Huut, fielt sik de Fingernagels - un all sowat. Is ja ok nich verkehrt un deit goot.
Een kunn ok wannern oder spazeren gahn, alleen dör Woold un Feld - un över dat Leven nadenken. Oder mal to Stadt föhren mit en vulle Portemonai un sik nie inkleden. Geiht ok.
Blots en Deel is dorbi: dat is ja en Middwuch, en Dag, wo de mehrsten Lüüd arbeiten mööt, ganz normal, is nix mit eenfach Utklinken. Schiet ok, wat nu? Denn nehmt wi doch en annern Dag för uns Aktschoon "Rut ut de Welt" - söök di man eenfach een Dag ut! Gifft ja noch en ganzen Barg op den Kalenner 2012.
Villicht düssen Sünnavend, den 25. Februar? Wat, de passt di nich? Denn kann ik di ok nich hölpen!
Schaltjohr-Gröten vun Marianne Ehlers vun den Sleswig-Holsteenschen Heimatbund.

zur Startseite

Gefällt Ihnen dieser Beitrag? Dann teilen Sie ihn bitte in den sozialen Medien - und folgen uns auch auf Twitter und Facebook:

Diskutieren Sie mit.

Leserkommentare anzeigen