zur Navigation springen
So spricht Schleswig-Holstein

17. Oktober 2017 | 03:44 Uhr

100 Sekunden Platt : Bööm jagen

vom

Marianne Ehlers spricht den "Schnack der Woche". Diesmal geht es ums Jagen, das seine ursprüngliche Funktion wohl vollends eingebüßt hat.

shz.de von
erstellt am 26.Aug.2011 | 02:44 Uhr

Fröher – ja ganz, ganz fröher weer dat, dor güngen de Lüüd los to’n Jagen. Annern hebbt wat sammelt. Un beide Aktschonen weren dorför dor, dat de Minsch wat to’n Eten harr.
Vundaag is dat Jagen meist mehr en Spaaß. Goot, af un an fallt ok en Stück Fleesch dorbi af, man dat is denn mehr so wat nevenbi. Dat Jagen sülfst is dat, wat keddelt, wat den Minschen wiesen deit: kiek mal, ik kann dat noch, ik kann mit de Flint allerbest ümgahn – un veel beter scheten as mien Fründ.
In Sleswig-Holsteen kann een düt Johr ok wat anners jagen, sotoseggen ok wat Beteres, wo een keen Flint för bruken deit, nämlich Bööm.
"Sleswig-Holsteen geiht op Boomjagd", so heet dat in den Fleger, de nu överall verdeelt worrn is. Dor steiht nipp un nau binnen, woans dat geiht. Schoolklassen, Gruppen un Vereene, man ok enkelte Lüüd oder ok de Familie köönt losgahn un schöne ole Bööm söken un ünnersöken. Wo dick is de Boom, wo breet is de Kroon, wo oolt mag he ween, wat för Deerten leevt in sien Twiegen? All düsse Fragen töövt op en Anter.

Dat lohnt sik un maakt Spaaß, in uns Land op Boomjagd to gahn. De Sleswig-Holsteensche Heimatbund hett tosamen mit de Bingo-Umweltlotterie, mit de Stiften "Naturschutz Schleswig-Holstein" un mit dat Landsamt för "Landwirtschaft, Umwelt und ländliche Räume" düsse Aktschoon in de Gang bröcht.
Wokeen mehr weten will, kickt mal in’t Nett oder mellt sik bi Norbert Voigt bi den SHHB ünner Telefon 0431-983 84 19 oder schickt en Nettbreef an info@baumjagd.de.
Gröten vun Boom to Boom
Marianne Ehlers vun den Sleswig-Holsteenschen Heimatbund

zur Startseite

Gefällt Ihnen dieser Beitrag? Dann teilen Sie ihn bitte in den sozialen Medien - und folgen uns auch auf Twitter und Facebook:

Diskutieren Sie mit.

Leserkommentare anzeigen