zur Navigation springen
So spricht Schleswig-Holstein

21. August 2017 | 07:20 Uhr

100 Sekunden Platt : Böker in Hamborg

vom

Marianne Ehlers besucht die Plattdeutsche Buchmesse in Hamburg.

Wat för uns all de Bökermessen in Frankfurt un in Leipzig sünd, dat is för en Deel vun uns de Plattdüütsche Bökermess in Hamborg. En ganze Wuchenenn lang hebbt wi Böker op Platt satt, sowat gifft dat sünst nich. In den Lichtwarksaal bi de Carl-Töpferstiften draapt sik de Verleggers, de Schrieverslüüd un - na kloor, ok de Lesers vun plattdüütsche Böker. De köönt sik slau maken över all dat, wat jüst op den Markt kamen is, man ok öller Böker sünd noch to kriegen.

En bunte Bild is dat - un meist jedeen Verlegger hett een vun sien "Stars" mitbröcht. De leest denn en beten wat, mitünner warrt ok sungen, ok dat een oder anner Autogramm geven. Un de Lüüd kiekt un snackt, draapt sik, kennt sik wedder, verafreedt sik för en annern Dag - un mit veel Gedüer un veel Rümstahn warrt de Verleggers ok en poor Böker los. Mit anner Wöör: dat geiht jüst so to as bi en hoochdüütsche Bökermess, blots allens en beten lütter - un dat Fernsehn is meist nich dorbi. Maakt aver nix - dat meent ok de Verleggers ut Sleswig-Holsteen, de as jedeen Johr in Hamborg dorbi sünd. Se kaamt ut Niemünster oder ut Kiel, ut Husum oder ut Heid - un hölpt mit, dat Farv rinkümmt in de plattdüütsche Bökerwelt, de ok al lang apen is för Kinnerböker un ok för Böker för de Ohren, de op CD, meen ik dormit.
Maak du di man op de Padden - vundaag oder ok morgen, de Bökermess hett de Dören apen an beide Daag vun morgens Klock teihn bit avends Klock söss. Un vergeet dien Portemonai nich!
Gröten över de Bökerkant vun Marianne Ehlers vun den Sleswig-Holsteenschen Heimatbund.

zur Startseite

von
erstellt am 14.Nov.2011 | 11:00 Uhr

Gefällt Ihnen dieser Beitrag? Dann teilen Sie ihn bitte in den sozialen Medien - und folgen uns auch auf Twitter und Facebook:

Diskutieren Sie mit.

Leserkommentare anzeigen