zur Navigation springen
So spricht Schleswig-Holstein

20. August 2017 | 03:05 Uhr

100 Sekunden Platt : Besöök un Backen

vom

Vorweihnachtliches Backen: Marianne Ehlers gibt einen Einblick in die plattdeutsche Backstube und erklärt den "Spanischen Wind".

Bi Hans Hansen Palmus geiht dat vergnöögt to:
Besöök
Holler - boller - hillerjaan,
morgen gifft t Besöök.
Kiek blots mal dat Leven an
achtern in de Köök.
Mudder backt nu Krintenbroot,
ei, - dat rüükt so frisch.
Zuckerkringeln, rund un groot,
de kaamt morn to Disch.
Plätten gifft dat, groot un lütt,
un ok spaanschen Wind -
Unkel bringt wat Schönes mit,
wenn wi ordig sünd.
Mudder is för dull togang
achtern in de Köök.
Holler - boller - hillerjaan,
morgen gifft t Besöök.
Nu stellt sik glieks de Fraag: wat is denn nu de "Spaansche Wind"? Ganz eenfach, dat sünd düsse luftigen Baisers ut Eiwitt un Zucker! Ok Emil Duborg hett mal in de Backstuuv vun Mudder rinluert:

Kokenbacken
Mudder backt Koken un wi backt mit:
Wiehnachtskoken bruun un witt.
Wat backst du? Maand un Steerns.
Un du, Marieken? Jungs un Deerns.
Un du, lütt Heini? Peerd un Schaap
Un Hund un Katt un Oss un Aap.
Un Wiehnachtavend kümmt dat Best -
warrt allens vertehrt bit op den Rest.
Dat weren noch Tieden, as de Dosen vull mit Plätten eerst to Wiehnachten op den Disch kemen. Vundaag köönt wi dat meisttieds nich mehr aftöven un eet allens al vörher op!
Gröten ton drütten Advent vun Marianne Ehlers vun den Sleswig-Holsteenschen Heimatbund

zur Startseite

von
erstellt am 14.Dez.2012 | 09:05 Uhr

Gefällt Ihnen dieser Beitrag? Dann teilen Sie ihn bitte in den sozialen Medien - und folgen uns auch auf Twitter und Facebook:

Diskutieren Sie mit.

Leserkommentare anzeigen