zur Navigation springen

Plattdeutsch : Mit rode Blinklicht un Huler

vom

Sleswig-Holsteens Gendarms köönt in tokamen Tiet ok mit rode Blinklicht un Hulers jüst as in de USA op sik henwiesen.

shz.de von
erstellt am 05.Aug.2013 | 09:45 Uhr

Kiel | Sleswig-Holsteens Gendarms köönt in tokamen Tiet ok mit rode Blinklicht un Hulers jüst as in de USA op sik henwiesen. Int letzte Viddeljohr schüllt de eersten 20 Polizeiautos, de so utstaffeert sünd, an de Autobahnpolizei utlevert warrn. Dat deel nu de Spreker vun de Lannspolizei, Lothar Gahrmann, de Düütsche Press-Agentur mit. De Vördeel vun de niege Technik weer, dat de Gendarms in tokamen Tiet de Autos nich mehr överhalen mussen, wenn de anholen schullen. "Dat niege Teken bedüdet: Anholen, Polizei." Na un na schullen all de üm un bi 700 Polizeiwagen int hele Land, wenn sie nieg köfft warrn mööt, mit Sireen un Blinklicht utstaffeert warrn. "Jüst so, as de Huusholt dat mööglich maken deit, warrt dat dree bit fief Johren duern", sä Gahrmann. Blangen Sleswig-Holsteen wüllt ok noch fief anner Bunnslänner de niege Technik opto inföhren. Dat keem bi en Ümfraag vun de Düütsche Press-Agentur bi Ministerien un Polizeiämter rut.

zur Startseite

Gefällt Ihnen dieser Beitrag? Dann teilen Sie ihn bitte in den sozialen Medien - und folgen uns auch auf Twitter und Facebook:

Diskutieren Sie mit.

Leserkommentare anzeigen