gauert

shz.de von
11. November 2013, 00:33 Uhr

Trainer will St.-Paulianers mit Kraasch sehn



För dat Spill hüüt in de tweete Football-Bunnsliga gegen den letzten in de Tabell, FC Energie Cottbus, hett de niege St.-Pauli-Coach Roland Vrabec sien Spelers opfeddert, wat forscher rantogahn. „Ik wünsch mi Spelers mit Kraasch, de vun dat, wat se köönt, övertüügt sünd“, sä de 39 Johren ole Nafolger vun Michael Frontzeck güstern bi de Presskunferenz. „Wi mööt Cottbus foorts in de eersten teihn Minuten wiesen, wat dat hier nix to kriegen gifft.“ Mit en Sieg kunnen de Noorddüütschen (19 Punkten) an de böverste Koppel in de Liga dranblieven. En wichtige Saak schall dütmol bi den Afloop vör dat Spill anners maakt warrn: „Wi gaht nich mehr in ’t Hotel. Ik will, dat de Spelers vun bi ´t Huus kaamt. Un wenn se denn na dat Stadion fohren doot, denn schüllt se marken, woans de Fans sik al freuen doot. Un denn schall sik disse Energie op de Spelers överdrägen“, sä de vörmalige DFB-Nawasstrainer Vrabec.

zur Startseite

Diskutieren Sie mit.

Leserkommentare anzeigen