zur Navigation springen

100 Sekunden Platt : Vertell doch mal en Witz

vom

Witze für kleine Leute gefallen auch den Großen – Marianne Ehlers hat eine kleine Auswahl dabei.

Wat seggst du, du finnst Witzen blööd? Ik egentlich ok, man höör mal, düssen hier sünd doch nett. Mehr wat för Kinner, man ok de Groten köönt sik dor rindenken. Pass op:

Fremdspraken

Twee Hunnen kaamt enanner in de Mööt. Seggt de een: „Wau-wau!!“ Antert de anner: Kikeriki!“ De erste kickt verwunnert. De anner seggt: „Jo, Fremdspraken mutt een vundaag kennen.“

Stimmt

„Wat hebbt wi doch för en plietsche Dochter“, freut sik de Mudder, as se dat Tüügnis süht. „Jo“, antert de Vadder, „ehren Verstand hett se von mi.“ „Stimmt“, seggt de Mudder, „ik heff mienen noch.“

Snackt Platt

Op’n Fischmarkt verköfft en Keerl Vagels. „Düsse Kanarienvagel snackt sogoor Platt“, seggt he to en Kunnen. „Glööv ik nich“, seggt de. „Denn pass maal fix op“, seggt de Verköper, un to den Vagel: „Wat wullt du smöken: Zigarr oder Piep?“ Antert de Kanarienvagel: „Piep.“

Keen Dummtüüg!

An de Grenz mutt en Keerl för sienen Papagei Toll betahlen. „Wenn de Papagei doot un utstoppt weer“, verklickert de Beamte, „ bruukt Se keen Toll to betahlen.“ De Keerl kratzt sik an’n Kopp. Do schreet de Papagei: „Maak keen Dummtüüg, Minsch. Betahl!“

Noch mehr so lütte Texten staht in dat Book „Koppheister“, rutgeven vun Bolko Bullerdiek. Kiek man mal rin!

Vergnöögte Gröten vun Marianne Ehlers vun den Sleswig-Holsteenschen Heimatbund

zur Startseite

von
erstellt am 18.Jan.2014 | 06:30 Uhr

Gefällt Ihnen dieser Beitrag? Dann teilen Sie ihn bitte in den sozialen Medien - und folgen uns auch auf Twitter und Facebook:

Diskutieren Sie mit.

Leserkommentare anzeigen