zur Navigation springen

100 Sekunden Platt : Valentinsdag

vom

Ist dieser Tag nur für Blumen- und Pralinenverkäufer wichtig? Das fragt sich Marianne Ehlers am Tag danach.

shz.de von
erstellt am 15.02.2014 | 06:30 Uhr

Jüst is he vörbi, düsse Dag, an den wi uns noch nich so recht wennt hebbt, de Valentinsdag. Wat hett dat egentlich dormit op sik? Kloor, all loopt se los un kööpt Blomenstrußen un Pralinen un Smuck för de Leevste, man worüm? – Dat schall ja mal en  Preester geven hebben, St. Valentin ut Ternia, so üm un bi 300 na Christi. Un de hett eenfach junge Lüüd christlich troot, liekers dat nich verlööft weer bi de Römers. Un dorüm hebbt se Valentin denn ok en Kopp körter maakt.

Anner Geschichten vertellt, dat Valentin en Mönk weer – un dat he wat mit en junge Deern harr un ehr Breven schreven hett, as Mönk! Egaal, wenn em dat geven hett, so hett he dat goot meent mit Leevsporen. Ümbröcht worrn is he an den 14. Februar – un dat is jüst de Dag, an den de olen Römer, dat Fest vun Juno, Jupiter sien Wiev, fiert hebbt. Un do hebbt de Mannslüüd ehr Froons all Blomen schenkt. Wat för en Tofall!

En Barg an Bruuk un Bedüden is över de Johrhunnerten dorbi rutkamen. Dat en junge Mann an düssen Dag sien Leevste mit en Blomenstruuß besöken schall, dat freut seker nich blots de Blöömhökers. Fröher hett een ok vertellt, wenn en junge Deern harte Eier eten harr, denn kunn se in de Nacht vör den Valentinsdag vun ehren Tokünftigen drömen. Dat bring mal vundaag ünner de Lüüd!

In Frankriek un Amerika is de Valentinsdag  heel wichtig – man mi dünkt, bi uns in Düütschland warrt düsse Dag twüschen Wiehnachten un Oostern ganz nödig för de Kassen vun de Blöömhökers un Pralinenverköpers bruukt. Un all de roden Harten – överall fleegt se rüm, is dat Enn vun weg. Egaal, wenn dat Freud maken deit, denn is dat ja man goot.

Valentinsgröten vun Marianne Ehlers vun den Sleswig-Holsteenschen Heimatbund

zur Startseite

Gefällt Ihnen dieser Beitrag? Dann teilen Sie ihn bitte in den sozialen Medien - und folgen uns auch auf Twitter und Facebook:

Diskutieren Sie mit.

Leserkommentare anzeigen