zur Navigation springen

100 Sekunden Platt : Plantendokters – Dokterplanten

vom

Kräuter und Blumen aus dem Garten helfen uns mitunter, gesund über den Winter zu kommen. Marianne Ehlers gibt ein paar Tipps.

shz.de von
erstellt am 26.Okt.2013 | 06:30 Uhr

In de Natur gifft dat so veel Planten, Blööm un Kruut, de uns hölpen köönt, gesund to blieven. Vun en poor dorvun will ik vertellen. Seker hebbt de Goorners ünner uns ehr över den Sommer sammelt un dröögt.

De Ringelbloom, anner Naams sünd Brögamsbloom, Goldbloom, Dag un Nacht oder Geelringel.
För Tee un Salven is de Ringelbloom goot to bruken. De Blöten warrn afplückt un heel oder blots de Blötenbläder in’n Schadden dröögt. Op düsse Oort sünd se goot för Tee to bruken. För en Salv warrt de drögen Bläder nahmen. Dat gifft en wohre Wunnersalv: lütte Wunnen in de Huut heelt in’n Nullkommanix. De Salv hölpt ok bi ruge Hannen un Fööt.

De Kamell, anner Naam: Rükelsch
De wasst in de Sünn op mager Bodden, an’n Feldweg, in’n Knick oder an’n Rand vun en Koornfeld. De Blöten hebbt en goldgelen Blöten-Bodden. De is inrahmt vun witte lütte Bläder, de as Strahlen bi de Sünn utseht. För Tee mutt een de Blöten vun Juni bit September plöcken. Kamellentee hölpt bi Buukwehdaag, gegen Entzündungen un lööst jedeen Kramp op.

De Salvie, anner Naams: Smalle Sophie oder Salf
Salvie wasst in’n Goorn as Dokterplant. De Bläder kann een frisch plöcken oder dröög nehmen för Tee. Salvie hölpt op ganz natürlich Oort gegen Halskatarrh un Halswehdaag.

De Zitronenmeliss, anner Naams
Hostenkruut, Limonenkruut, wasst ok in’n Goorn. De Bläder rüüükt na Zitronen un smeckt goot as Tee oder in Appelmost oder to Dekoratschoon op Koken un Torten. De Tee maakt ruhig.

Blievt gesund un heelsam Gröten un Marianne Ehlers vun den Sleswig-Holsteenschen Heimatbund.

zur Startseite

Gefällt Ihnen dieser Beitrag? Dann teilen Sie ihn bitte in den sozialen Medien - und folgen uns auch auf Twitter und Facebook:

Diskutieren Sie mit.

Leserkommentare anzeigen