zur Navigation springen

100 Sekunden Platt : Oostern op un dal

vom

Und den Mümmelmann gibt es doch – zumindest möchte man es mitunter glauben, so sagt Marianne Ehlers.

shz.de von
erstellt am 19.Apr.2014 | 06:30 Uhr

Jedes Johr datsülvige mit all de Fierdaag – se kaamt to gau, wie eet toveel un argert uns achterna, dat wi soveel Schokolaad in uns rinstoppt hebbt. Fröher geev dat ja noch den Oosterhaas, ja den mit de richtigen Eier. Een vun de Soort heff ik mal mitbröcht:

Mümmelmann, de Oosterhaas

Op de Wisch glieks nevenan
wahnt de lütte Mümmelmann.
Gor to snurrig süht dat ut,
hüppt he lustig in dat Kruut
un sleit Haken dör dat Gras,
de vergnöögte Oosterhaas.

Blots in de verleden Daag
seeg keeneen em op dat Flach.
Nee, keen Jäger hett em schaten
un keen Voss kreeg em tofaten.
So hett Opa mi vertellt,
un wat Opa seggt, dat gellt.

Oostern steiht je vör de Döör,
un de Haas hett soveel vör.
All de Eier mutt he halen
un ehr kakelbunt anmalen
mit de allerschöönste Klöör,
wickeln denn in Goldpapeer.

Op de Wisch glieks nevenan
speelt he sünst, de Mümmelmann.
Aver nu mutt he sik spoden,
dat he för de Gör’n, de goden,
packt de Oosternester vull.
Oh, wat höög ik mi al dull!

So schrifft Ursula Kurz, de Schrieversfru ut Mekelnbörg – un bi düsse Regen hett een so dat nostalgisch Geföhl: man, wat weer dat doch noch nett, as de Oosterhaas keem, fröher mal! Un liekers, laat sik de Oostereier man smecken – villicht weer dat ja doch de ool Mümmelmann!

Ooster-Gröten vun Marianne Ehlers vun den Sleswig-Holsteenschen Heimatbund.

zur Startseite

Gefällt Ihnen dieser Beitrag? Dann teilen Sie ihn bitte in den sozialen Medien - und folgen uns auch auf Twitter und Facebook:

Diskutieren Sie mit.

Leserkommentare anzeigen