zur Navigation springen

100 Sekunden Platt : Meist al wedder Dannenboomtiet

vom

Ein bisschen Ruhe in der Vorweihnachtszeit wäre schön, meint Marianne Ehlers, aber der Tannenbaum muss ja noch gekauft werden.

shz.de von
erstellt am 07.Dez.2013 | 06:30 Uhr

Jedes Johr datsülvige – is de erste Dezemberweek jüst um, denn stöhnt wi: wo blifft blots de Tiet, ik mutt noch soveel beschicken bit hen to den Hilligen Avend. Schiet ok, ik schaff dat gornich mehr, oha! Ach Lüüd, nu maakt sik doch lever mal en beten los vun all dat Gejachter! Ik weet wat Beters: kiekt man mal mit mi in de olen Wiehnachtsböker. Dat gifft so feine Gedichten un Geschichten över Advent un Wiehnachten, dor is dat Enn vun weg. To’n Bispill düt Gedicht vun den lüttjen Dannenboom:


Lüttje, lüttje Dann’boom, so alleen in’t Holt, hest keen warme Kamer. Buten is dat koolt. Lüttje, lüttje Dannboom ünner Snee un Ies, Wiehnacht kümmt en Engel, smückt di ut ganz lies. Smückt di ut mit Lichten un mit gollen Steerns, singt üm di heel lustig lüttje Jungs un Deerns. Lüttje, lüttje Dann’boom, so alleen in’t Holt, Wiehnachtsavend kümmt bald, denn strahlst du as Gold! Ja, en feine Gedicht, dat een ok singen kann, wunnerboor, wi freut uns – man denn fallt uns dat in: wi bruukt ja noch en Dannenboom! Un nu köönt wi gornich mehr in Roh de Gedichten geneten. Glieks morgen wöllt wi uns üm den Dannenboom kümmern. An’t Enn gifft dat villicht nix Godes mehr to kriegen, wokeen weet dat al! Un de Priesen, sünd de düt Johr stabil? Wat mööt wi op den Disch leggen för so en stevige Noordmann-Dann? Wi sünd gespannt!

zur Startseite

Gefällt Ihnen dieser Beitrag? Dann teilen Sie ihn bitte in den sozialen Medien - und folgen uns auch auf Twitter und Facebook:

Diskutieren Sie mit.

Leserkommentare anzeigen