100 Sekunden Platt : Hein Hoop, Künstler vun de Küst

Marianne Ehlers
Marianne Ehlers

Der umstrittene Bildhauer und Maler hat auch plattdeutsche Texte geschrieben – Marianne Ehlers hat den „Bökerworm“ ausgesucht.

Avatar_shz von
09. November 2013, 06:30 Uhr

Wat is dat blots för en Keerl? De hett doch een an de Luuk! Wat schall dat?

So snacken de Lüüd do. He hett de Minschen dat nich licht maakt, he hett ehr stöört un opreegt, nich blots dor buten in de Masch. He weer en groten Künstler, man ok över de Spraak hett he sik Gedanken maakt. Een vun sien Gedichten – licht afkött – is de

Bökerworm

In Husum leevt en Bökerworm,
de is verdüvelt klook!
He kennt sik ut bi Thedje Storm
un ok in’t Bibelbook.

He hett dat Brockhuuslexikon
vun A bit Z dörchbohrt,
ok Sartre (Paul) un Schiller (von)
un männich Simmel-Swoort.

Mit Goethes Faustus keem he trecht,
kennt Werther, ohne Fraag.
Eerst bi Hans Habe wörr em slecht,
de sloog em op den Maag.

He nimmt de Böker na de Reeg
un öövt keen Vörkritik.
Keen mang se goot is un keen leeg,
spöört he an sien Kolik.

Mal Wedekind, mal Dürrenmatt,
mal Brecht, mal Proust, mal Groth;
he fritt sik an de Böker satt,
nimmt Huusmannskost in Koop.

Hein Hoop to’n Bispill smeckt em nich,
de kaakt en kruse Supp.
Na Hoop hölpt em en Böllgericht.
Bölls Anstand richt em op.

Wenn he in Bachmann-Lyrik wöhlt,
in de vun Ingeborg,
warrt em mehrst trurig, denn he föhlt
ehr Mitleed un ehr Sorg.

Nu kaut he Marx sien Kapital
un slickt mit Engelstung;
dorna will he op Darwin daal,
op Psychofreud, op Jung.

De Worm het Weten un ok Plie,
so wiet, so goot, so schöön,
man wenn he oolt is, hett he nie
den frien Heven sehn.

Bökerworm-Gröten vun Marianne Ehlers vun den Sleswig-Holsteenschen Heimatbund.

zur Startseite

Diskutieren Sie mit.

Leserkommentare anzeigen