100 Sekunden Platt : Football … de twete

Marianne Ehlers ist Diplom-Bibliothekarin und Plattdeutsch-Expertin beim Schleswig-Holsteinischen Heimatbund.
Marianne Ehlers ist Diplom-Bibliothekarin und Plattdeutsch-Expertin beim Schleswig-Holsteinischen Heimatbund.

Zu Zeiten der Fußball-Weltmeisterschaft gehen die Uhren anders – und in den Läden sieht es auch anders aus, findet Marianne Ehlers.

shz.de von
12. Juli 2014, 06:30 Uhr

Also, Lüüd - ik maak mi so mien Gedanken, woans de Dag vun so en ganz normalen Fan bi de Football-Weltmeesterschop so utsehn mag. Also, morgens duuscht he sik eerstmal un maakt sik smuck för den Dag. Un dorto nimmt he denn dat Shampoo, wat de Nationalmannschop in Süüdamerika to’n Frischmaken bruken deit.

Denn maakt he sik en Kaffee un snitt sik en poor düchtige Schieven vun dat frische Weltmeester-Broot af. Dat gifft Knööv för den Dag, oha! Dor smeert he sik denn de Sönner-Edtischoon vun düsse gode Soort vun Nööt-Nougat-Creme op dat Broot. De Kaffee is intwüschen in den Football-Beker lannt – originaal as Warf-Geschenk vun dat Sport-Magazin. Dor hett he Billers vun sammelt un in en Album kleevt.

 

Ehr he in de Firma föhrt, packt he sik noch en poor Joghurt-Bekers mit Schoko-Kugeln in Footballform in – en Tüüt vull Gummibären – ach nee, Gummifahns, mööt ok noch mit. Denn stiggt he in sien Auto un justeert de swatt-root-gollen Fahns noch mal na. Un de Butenspegels kriegt noch Övertreckers, de sünd, ja richtig: swatt-root-gollen!

Ja, düsse Fan höört to de üm un bi 25 Millionen Lüüd in uns Land, de jeedeen Footballspeel ankieken doot. Velen hebbt sik sogor Urlaub nahmen, um ok reinweg nix to verpassen. Uns Fan mutt ja arbeiden. Man wenn he na Huus kümmt, denn geiht dat so richtig los. Denn haalt he sik de Fan-Snack-Box „Chips ut Rio“ her un maakt sik dat eerste Beer op. Dat kümmt, na kloor, ut Brasilien.

Nu kann dat losgahn. Noch gau de passliche Kledaasch an, de Fahn herkriegen, ach ja, un den Schaal umtüdeln.

Wenn denn dat Speel anfleut is, kann gornix mehr scheef gahn. Nu mööt de Düütschen, also wi all, blots noch winnen. Mehr mutt ja nich. Man dat is doch ok nich toveel verlangt, oder?

Weltmeester-Gröten vun Marianne Ehlers vun den Sleswig-Holsteenschen Heimatbund

zur Startseite

Diskutieren Sie mit.

Leserkommentare anzeigen