zur Navigation springen

100 Sekunden Platt : De Swatten sünd dor!

vom

Wie in jedem Jahr steht ein Dorf Kopf – und es wimmelt von schwarzen Gestalten, Zeit für „Wacken Open Air“, Marianne Ehlers hat mal reingehört

Wat seggst du, dat dörv een nich mehr seggen hüütodaags? Dat weet ik doch allens, un de meen ik doch ok gornich! Ik meen de Annern, de mit de swatte Kledaasch, de all so en apartig Schrift op ehr T-Shirt hebbt. Un düsse Bull mit de Höörns, de is ok noch afbillt. Ja, jüst de Lüüd meen ik. De sünd vundaag an't Afhotten und sünd vergnöögt dorbi  un womöglich al en beten doof op de Ohren. Maakt nix, dat gifft sik wedder.

Is wedder Wacken nu, as jeedeen Johr datsülvige Spektakel un doch ümmer anners. De Bands sünd annern, man keen dor nix vun versteiht, för den höört sik dat allens blots so richtig luut an.

För en poor Daag hebbt de Supermarkts alles wegrüümt, wat nich so nödig bruukt warrt  un dorför Beer un anner wichtige Överlevensmittel henstellt.

 

De „Fire Fighters“ – dorachter verstickt sik nix anners as de Füerwehrkapell vun Wacken – de stimmt in. Dat heet, de geevt dat allereerste Festival-Kunzert. Dat is Kult un maakt de Lüüd düchtig Spaaß!

De Straten sünd vull vun junge un ok öllere Lüüd, op de Wischen steiht en grote Teltstadt för all de Besökers  - Indruck maakt de Waschstraat. De is nich för Autos, nee, man lang nich. De is för de Reinlichkeit vun de Besökers. Is noch gornich lang her, do keem de ganze Bagaasch schietig na Huus. Dat deit nu nich mehr nödig. Nakelt in de Waschstraat, warrt de Musikfrünnen afseept, afspöölt un dröög fönt, ganz ahn Handdook! Mit  Schangs hebbt se noch en anner T-Shirt mit den feinen Naam „Wacken Open Air“ mit dorbi. Un denn kann gornix mehr scheef gahn, man rin in de Musik un nich verschütt gahn!

Metal-Gröten  seggt

Marianne Ehlers vun den Sleswig-Holsteenschen Heimatbund

zur Startseite

von
erstellt am 02.08.2014 | 06:00 Uhr

Gefällt Ihnen dieser Beitrag? Dann teilen Sie ihn bitte in den sozialen Medien - und folgen uns auch auf Twitter und Facebook:

Diskutieren Sie mit.

Leserkommentare anzeigen