zur Navigation springen

100 Sekunden Platt : De Smökers

vom

Wer kennt noch die alten Zigarettenmarken? Marianne Ehlers hat ein Gedicht über Juno & Co. aufgestöbert.

shz.de von
erstellt am 10.05.2014 | 06:00 Uhr

Warm is de Luft an’n Avend – wi köönt dat richtig geneten. De Smökers hebbt dat nu ok beter. Se mööt nich mehr in de Küll buten vör dat Lokal stahn un een dörchtrecken. Kloor, se mööt sik liekers in en besünner Eck opholen, man dat Früsten is eerstmal vörbi.

To dat Thema „Smöken“ is mi doch annerletzt en richtig ole Gedicht wedder in de Hannen fullen:

Op den „Eckstein“ sitt Fru „Peer“
un treckt över ehr Naversch her.
Fru „Ernte“, seggt se arrogant,
„Juno“ hett wat mit „Stuyvesant“.

Dat finn ik delikaat,
juuchheit „Murati“ ganz privaat.'
Nu is mi kloor, ut wat för ’n Grund'
de „Juno“ is so dick un rund.

De „Simon Arzt“, de ole Fuchs,
verraadt dat an den lütten „Lux“.'
Un güstern nameddag bi ’n Tee,
do wüss dat ok al de „HB“.

De “Juno” glöövt mi dat op’t Woort,
kriggt nu bald en lütten “Lord”.
Nich möglich, röppt Miss Chesterfield galant,
doch nich vun „Peter Stuyvesant“!

Denn de höört to de Kavalieren,
de Filter dreegt bi ehr Poussieren.

 

Wokeen kennt noch düsse olen Zigarettenmarken? De stammt ja meist all ut de Tiet, as 11 Zigaretten noch een DM köst hebbt. Ik glööv, vundaag heet de anners. Man ik bün nich op den letzten Stand – mien Smökertiet is al so lang her, to’n Glück för mien Gesundheit – un ok för mien Portemonai is dat beter! Denn egentlich kann sik keen Minsch mehr dat dor düer Vergnögen leisten. Blots dat schall doch jedereen sülven weten.

Un nu fraag ik mi: Gifft dat egentlich noch de Soort „Van Anderen“? Dat weer fröher de best!

Gröten, lever ahn Smöken,  vun

Marianne Ehlers vun den Sleswig-Holsteenschen Heimatbund

zur Startseite

Gefällt Ihnen dieser Beitrag? Dann teilen Sie ihn bitte in den sozialen Medien - und folgen uns auch auf Twitter und Facebook:

Diskutieren Sie mit.

Leserkommentare anzeigen