100 Sekunden Platt : Dat platte Engelsch

Marianne Ehlers ist Diplom-Bibliothekarin und Plattdeutsch-Expertin beim Schleswig-Holsteinischen Heimatbund.
Marianne Ehlers ist Diplom-Bibliothekarin und Plattdeutsch-Expertin beim Schleswig-Holsteinischen Heimatbund.

Plattdeutsch hat ganz viel mit Englisch zu tun. Marianne Ehlers hat viele Beispiele parat.

shz.de von
19. Juli 2014, 06:30 Uhr

Kannst du Platt, denn kannst du Engelsch! Dat is wohr! Wat, du glöövst mi nich? Denn pass man mal op:

Platt: Giff mi en Appel.
Engelsch: Give me an apple.

Platt: Dat Water is koolt.
Engelsch: That water is cold.

Platt: Een Pund Solt.
Engelsch: One pound of salt.

Platt: Vader smöökt sien Piep.
Engelsch: Father smokes his pipe.

Platt: He is de Baas.
Engelsch: He is the boss.

Platt: De Döör is apen.
Engelsch: The door is open.

Platt: Giff mi dien Hart.
Engelsch: Give me your heart.

 

Süh, glöövst du mi dat nu? Na all de Bispillen?  Dorbi heff ik noch gorkeen Satz mit „Klock“ maakt – un ok nich mit „Koh“ un „Storm“ un „Slaap“ – un so wieder un so wieder.

Nu büst du verbaast, wat? Un fraagst di, woans dat angahn kann. Ganz eenfach to verkloren – wi mööt blots mal en Stück torüch gahn in de Geschicht vun uns Land un vun dat anner. As de Angeln un de Sassen, de hebbt fröher mal dor leevt, wo nu de Oosten vun Sleswig-Holsteen is – as de sik op den Weg maakt hebbt to de Tieden vun dat Wannern vun de Völker, do hebbt se all nich veel mitnahmen. Man een Deel hebbt se ganz seker mitnahmen: dat weer de egen Spraak. Un so sünd se denn all mit goden Moot un mit de plattdüütsche Spraak rövertrocken na Angelland un hebbt sik dor ansiedelt. Ut Angelland is denn naher England worrn. Un ut dat Angelsassen-Düütsch is denn  Engelsch worrn, de engelsch Spraak. Un de is vundaag ja Weltspraak. Momang, is denn nich egentlich Plattdüütsch...? Ja, richtig, Lüüd, so is dat! Plattdüütsch is jüst de Spraak, ut de dat Engelsche naher rutsuert is. Also kann een meist seggen: Platt is en Weltspraak! Is dat nich schöön?

Gröten vun de Engelschsnackers seggt

Marianne Ehlers vun den Sleswig-Holsteenschen Heimatbund

zur Startseite

Diskutieren Sie mit.

Leserkommentare anzeigen