100 Sekunden Platt : Buten an de See

Marianne Ehlers ist Diplom-Bibliothekarin und Plattdeutsch-Expertin beim Schleswig-Holsteinischen Heimatbund.
Marianne Ehlers ist Diplom-Bibliothekarin und Plattdeutsch-Expertin beim Schleswig-Holsteinischen Heimatbund.

Mit der ganzen Familie am Strand ist nicht immer die reine Urlaubsfreude, Marianne Ehlers beobachtet.

shz.de von
26. Juli 2014, 06:30 Uhr

Annerletzt güng dat ja al mal üm „Water – Wind un Badebüx“, man blots bit hen na den Parkplatz. Nu sünd wi würklich an't Water, mit alle Mann hooch, wat en Glück! Wi maakt uns allens torecht – de Kinner sünd al weg, glieks in’t Water jumpt. Laat ehr, se köönt ja swemmen. Wi smeert uns eerstmal düchtig mit Sünnencreme in, is ja wichtig hüütodaags. Bi all de Ozonlöcker! Egens dörv een gornich mehr in de Sünn gahn, heff ik annerletzt mal leest.

En Ogenblick later sünd se wedder dor, de Gören,  se hebbt Smacht un Döst. Goot, denn warrt eerstmal en Strandpicknick maakt. Wi eet kole Wüst un Paprikastücken, Meterbroot un Keeshappens. Seeluft maakt Appetit! To’n Glück hebbt wi ok en poor Buddeln Beer inpackt.

 

„Ach, dat is doch Urlaub!“ swarm ik, dor stött mien Jüngsten de Beerbuddel üm. De ganze schöne brune Droom verlöppt sik in’n Sand.

Un mien Luftmatratz is nu ok kleevig un schietig. Sien grote Swester schimpt mit em un maakt Larm för dree. „Haut af, weg mit jem in’t Water!“ „Blots, wenn wi Geld för en Ies mitkriegt!“

Dor schall dat ja nu nich an liggen. Wi wöhlt na uns Portemonai – un finnt dat nich. Na en lange Simmeleren fallt uns in, dat wi dat wohrschienlich tohuus op den Kökendisch liggen laten hebbt. Oder doch nich? Is dat hier in’n Sand fullen? Ik bün nu vull Unroh un suer. Ach, ik heff dat al vörher wüsst, dat is nix för mi – un Urlaub is dat al gornich hier buten, tominnst för mi nich.

„Krieg di wedder in!“ seggt mien Lüüd. Un dat do ik denn ok un drink denn glieks mal Beer Nummer twee. Man de Fraag blifft doch: wo is dat Poertemonai?

Sünn- un Watergröten  seggt

Marianne Ehlers vun den Sleswig-Holsteenschen Heimatbund

zur Startseite

Diskutieren Sie mit.

Leserkommentare anzeigen