100 Sekunden Platt : Büro-Blues in'n November

Spricht '100 Sekunden Platt': Marianne Ehlers vom Schleswig-Holsteinischen Heimatbund. Foto: Rosenburg
Spricht "100 Sekunden Platt": Marianne Ehlers vom Schleswig-Holsteinischen Heimatbund. Foto: Rosenburg

Morgens ist die Stimmung in dieser Jahreszeit bei vielen Menschen eher trübe. Marianne Ehlers verrät ein Mittel dagegen.

Avatar_shz von
16. November 2013, 06:30 Uhr

He is en beten trurig vundaag. As he opsteiht, hangt dicke Nevel in de Luft, he kann de Hüüs op de anner Stratensiet meist gornich sehn. Is ok noch ganz düster, de Stratenlampen brennt, buten is keeneen to sehn. Un he mutt los, to Arbeit, un he mag nich vundaag.

Eerstmal fröhstücken, denn in’t Blatt kieken, denn süht de Welt seker al anners ut. Deit se aver nich. Is noch jüst datsülvige Geföhl as vör en halve Stünn.

He mutt los un sett sik in sien Auto. De Schieven sünd beslagen, he wischt un wischt. Denn warrt dat warm binnen – un he kann losföhren. Is so nevelig. He mutt düchtig oppassen op de Straat, dat he nich vun’n Kurs afkümmt un en anner Auto anföhrt.

In’t Büro is dat noch pickendüster, keen Kolleeg dor. He smitt den PC an un glieks achterna de Kaffeemaschin. Denn kümmt een rin un seggt man knapp „Moin“, smitt ok den PC an un verkrüppt sik achter den Schirm.

Keen snackt wat – denn geiht de Döör op un de junge Kollegin mit de vergnöögte Stimm röppt: „Mo-in!“

„Moin“. Nix anners. „Wat is denn mit jem los?“ röppt se un lacht. Hett jem de Novemberblues tofaten kregen?“

„Novemberblues?“ De beiden Mannslüüd kiekt verbaast.  „Wat is dat? Un wat kannst dorbi maken?“

„Ik weet dat!“ röppt se. “En Lock in’n Nevel rieten, en Stück Musik un denn en Tass Kaffee drinken!” Se maakt dat Bürofinster wiet apen un süh: dor ritt de witte Wand op un en lütten Sünnenstrahl is to sehn. „Un, kümmt nu de November-Rock?“

„Kloor doch!“ röppt se un smitt ok den PC an.

Bürogröten vun Marianne Ehlers vun den Sleswig-Holsteenschen Heimatbund.

zur Startseite

Diskutieren Sie mit.

Leserkommentare anzeigen