100 Sekunden Platt : Bald is Rosenmaandag

Diplom-Bibliothekarin Marianne Ehlers schreibt und liest jeden Samstag eine plattdeutsche Geschichte auf shz.de
Diplom-Bibliothekarin Marianne Ehlers schreibt und liest jeden Samstag eine plattdeutsche Geschichte auf shz.de

Der Rosenmontag steht vor der Tür. Die Kinder feiern, die Großen eher nicht, stellt Marianne Ehlers fest.

Avatar_shz von
01. März 2014, 06:30 Uhr

Wi hier in'n hogen Noorden sünd ja nich jüst so för Karneval un Fasching un Fassnacht un so’n Kraam. Dat liggt uns eenfach nicht in't Bloot. Wi hebbt dor nich so dat Geföhl för – wi fiert anners.

Blots bi de Lütten, also in Kinnergoorn un School, dor is dat en Plichtveranstalten. Dor mutt dat eenfach losgahn an den Dag. Morgens an'n Rosenmaandag kümmt de ganze Bagaasch al verkleedt an. Soveel Prinzessinnen, Rövers, Pippis, Pumuckls un wo se all heten doot kriggst du sünst nich to sehn. Düchtig Farv hebbt de Kinner ok in't Gesicht kregen – een is sogor heel un deel blau un hett en witte Mütz op. Dat schall en Slumpf ween, sühst woll!

De Verkledens sünd düchtig smuck un bunt – sünd de in't Internet bestellt? Oder doch sülven neiht? Kunn ja angahn, dat Sülvenmaken is doch groot in Mood bi de jungen Öllern.

Un süh, sogor en Indianer is dorbi – ik heff dacht, sowat kennt de Kinner vundaag gornich mehr. Blots de Swatten, de sünd utstorven, bi'n Fasching, versteiht sik. Will sik doch keeneen naseggen laten, dat he sik över de Lüüd mit en düster Kulöör lustig maakt. Dorüm is Jim Knopf nich dorbi, ok den Mohr ut den Struwwelpeter gifft dat nich mehr.

Nu geiht dat los – Rosenmaandag in Kinnergoorn un School! Gah man mal hen un speel Muus, dor hest du seker Spaaß an. Dat gifft en Polonaise mit alle Mann dörch all de Rüüm – denn warrt speelt un danzt, un an't Enn denn ok düchtig eten. De Öllern hebbt för en feine Fröhstücksbüffet sorgt. So laat ik mi Faschingsfesten gefallen.

Sünd de Lütten groot, denn is dat meisttiets vörbi mit dat Verkleden un Anmalen, tominnst för den Rosenmaandag. Un as al seggt, denn warrt anners fiert.

Faschings-Gröten vun Marianne Ehlers vun den Sleswig-Holsteenschen Heimatbund.

zur Startseite

Diskutieren Sie mit.

Leserkommentare anzeigen