zur Navigation springen
Schleswig-Holstein

23. Oktober 2017 | 01:17 Uhr

100 Sekunden Platt : Backstuuv-Paradies

vom

War früher wirklich alles besser? Darüber denkt Marianne Ehlers nach, wenn sie das Angebot beim Bäcker begutachtet.

shz.de von
erstellt am 31.08.2013 | 06:00 Uhr

Fröher weer allens beter. Wenn ik düssen Snack höör, denn kann ik füünsch warrn. Mag ween, dat gifft dat een oder anner in uns Leven, wat fröher beter lopen is, will ik gornix gegen seggen.

Veles is vundaag beter. To'n Bispill dat Anbott bi mien Bäcker. För 60 Johr harrn de Bäckers twee, dree Sorten Broot: Swartbroot, Wittbroot, Mischbroot. Denn villicht noch Rundstücken mit Mohn un ahn Mohn. Un Plummenkringel un Twiebacken – dat weer allens. Un nu? Kannst swögen över all de Sorten Broot un Rundstücken. Ik seh Rundstücken mit Mohn un Sesam, mit Koorns un Kümmel, mit Solt un Kees – in heel, halfdüster un ganz düster. Un denn all de verscheden Brootsorten, dor is dat Enn vun weg! Schipperknuust un Wetenstuten, Koorn an Koorn un Kartüffelbroot, Dinkelswartbroot un Fladenbroot mit swarten Kümmel, Toscanastang un Soltkringel un so wieder un so wieder.

Ik heff mal höört, nienich woanners op de Eer gifft dat soveel verscheden Broot- un Rundstückensorten as bi uns in Düütschland. Dat verwunnert de Utlanners so männichmaal, man gefallen deit de dat seker ok.

Annerletzt bün ik mal op de Noordsee-Insel Amrum ween. Dat weer en feinen Dag mit allens, wat dorto hören mutt: Radfohren, Lopen, Vagels bekieken, eenmal rin in’t Watt – un, na kloor, ok goot Eten un Drinken. Dor ehff ik doch en Café funnen mit över 70 verscheden Koken un Torten! Un nu kümmst du? Wo schall ik dat blots henkriegen, allens to pröven? Geiht gornich. Ik bün denn mit en lecker Eierlikör-Tortenstück anfungen. Bi den nächsten Besöök nehm ik denn Appel-Marzipan. Mann, dor mutt ik ja richtig oolt warrn, wenn ik düt Paradies ut de Backstuuv heel un deel dörchpröven will! Villicht sitmmt de Snack doch mitünner: Fröher weer allens beter, ik müss mi nich üm dat Utsöken quälen!

Gröten ut de Backstuuv vun Marianne Ehlers vun den Sleswig-Holsteenschen Heimatbund.

zur Startseite

Gefällt Ihnen dieser Beitrag? Dann teilen Sie ihn bitte in den sozialen Medien - und folgen uns auch auf Twitter und Facebook:

Diskutieren Sie mit.

Leserkommentare anzeigen