zur Navigation springen
Sylter Rundschau

23. Oktober 2017 | 12:54 Uhr

Wat en broket Hárefst

vom
Aus der Redaktion der Sylter Rundschau

shz.de von
erstellt am 21.Okt.2013 | 00:31 Uhr

Di Hárefst es jaa nü rocht gur tögangs. Di Boomer let jaar Bleeren faal. Diarbi se ja üp di Boomer fuul dailker üt aur ja jaa nü safuul forskelig Klöören haa. Diar taacht ik om, üs ik di Bleeren sa töhop riiwet üp en Stak saag. Diar feel mi iin, dat dit jens en Ápgaav ön di Skuul fuar Weefsters wiar. Wü skul da jens en Bleer nem en ali forskelig Klöören diarfan ofmaali. Jest haa ik taacht, wat es dit dach fuar en Nárenkraam. Man üs ik diar da me bigent en diar da jit en Mönster fuar en Stek Tjüch fan maalet, haa ik mi wunert, hurfuul Klöören ön san litj Bleer tö finjen sen.

Leeter haa ik da uk jens bigent, me di Jungen sok Eksperimenten tö maakin. En da wiar diar jaa uk jit Forskel üp di Bleeren, aur ön di Harz wiar di Bleeren jaa jit fuul dailker en gans üders üs bi üüs üp Söl. Üüs Faamen her da langsen en Pöös Bleeren me Tüs en da saag min Kööken aaft jens rocht sa wilj üt. Jü es nü uk jen, wat gur me Klöören omgung ken en faini Skelter maali ken. Dit es eeder min Meening uk wat, wat di Jungen al ön di Jungensguarter maaki ken. Da fo ja uk al dit Rocht Oog fuar di forskelig Klöören en ja liir uk, rocht hen tölukin.

Man di Hárefst heer jaa uk jens en grögelk Sir. Dit es di, hur da dit Weeter fan boowen stört üs üt Aamers üs wan di Wárel önergung wel. Dit her wü jaa leest uk. Man eeder en paar Stün skinjt da al weder di Sen en di Klöören ljucht weder rocht sa fain. Dit es da wat fuar di Knipskas, di haali ik mi da of en tö jens üt om sok fast töhualen. Sa es dit nü jens, di Hárefst heer en mal broket Sir en hat ken uk en faini Tir wiis.

Nü jit en Saak. di Sölringkursen skel weder bigen. Hoken Sölring liir maat, ken höm di 29.10. om Klok soowen ön´t Museeum bi di Sölring Foriining önmel. Maike Ossenbrüggen en Birgit hussel frügi jam aur juu Bisjuk.

zur Startseite

Gefällt Ihnen dieser Beitrag? Dann teilen Sie ihn bitte in den sozialen Medien - und folgen uns auch auf Twitter und Facebook:

Kommentare

Leserkommentare anzeigen